Halyq qalaýlylary aýdandaǵy mańyzdy nysandardy aralap, atqarylyp jatqan jumystarmen tanysty.Aldymen «KAZMEAL» seriktestigindegi jumysshy qaýymmen kezdesip, kásiporynnyń tynys-tirshiligin kórdi. Munda dándi daqyldardan qurama jem jasalady. Táýliktik qýattylyǵy–1200 tonna. Jylyna 360 myń tonnaǵa deıin ónim daıyndaı alady. Aldaǵy ýaqytta Aspan asty eline eksporttalatyn bolady. Kásiporynnyń basym bóligi avtomattandyrylǵan. Barlyq operasııalardy robottyq tehnıka atqarady. 75 jergilikti turǵyn jumyspen qamtylǵan.
Budan keıin senatorlar №2 Novoıshım orta mektebinde bolyp, kúrdeli jóndeý jumystarynyń barysymen tanysty. 700-ge jýyq oqýshyǵa shaqtalǵan bilim uıasyn qalpyna keltirýge 75 mıllıon teńge bólingen. Bilim oshaǵy janynda kópsalaly sport alańy jumys isteıdi.
Halyq qalaýlylary memlekettik baǵdarlama aıasynda bıyl paıdalanýǵa beriletin 50 páterli turǵyn úıge at basyn burdy. Munda kópbalaly analar, medısına salasynyń qyzmetkerleri jáne áleýmettik az qamtylǵan otbasylar turady.tyn bolady.
«Jaldamaly-kommýnaldyq baspana qoldanysqa tapsyrýǵa daıyn. 1 sharshy metriniń baǵasy– 120 myń teńge», deıdi aýdandyq qurylys bólimi basshysynyń mindetin atqarýshy Ashat Ospanov.
Depýtattar ońtústikten qonys aýdarýshylar úshin salynyp jatqan turǵyn úıdiń qurylysymen de tanysty. 10 baspana boı kóterip, aýyz sýǵa deıin tartylǵan.
«Parlamenttiń 6-shy kezekti sessııasy óz jumysyn aıaqtaldy. Onda 83 zań jobasy talqylanyp, iske qosyldy. Bizdiń maqsatymyz – atqarylǵan jumystar boıynsha esep berý», dedi Senat depýtaty Erik Sultanov aýyl turǵyndarymen kezdesýde.
Halyq qalaýlylary Shal aqyn aýdanynda da boldy.
Soltústik Qazaqstan oblysy
