Aımaqtar • 14 Tamyz, 2019

Seldiń qaýpi seıildi

121 retkórsetildi

Almatynyń Naýryzbaı aýdanyndaǵy Taýsamaly, Qaraǵaıly eldi mekenderi arqyly ótetin arnadaǵy sýdyń tasqyny turǵyndardy biraz áýre-sarsańǵa salyp, dúrbeleń týǵyzdy. Qalanyń tótenshe jaǵdaılar qyzmeti sel júrý qaýpin budan buryn anyqtaǵandyqtan bul aýmaqtarda qaýipsizdik sharalaryn kúsheıtip,  ekvakýasııalyq pýnktter jasaqtaldy. Aýdanda gaz, jaryq júıesiniń jumysy ýaqytsha toqtatyldy.

Almaty qalasy Tótenshe jaǵdaılar departamentiniń  Baspasóz qyzmetinen habarlaǵanyndaı,  búgin tańǵy  saǵat 6-dan  20 mınýt ketkende Qarǵaly ózeni basseıniniń №1 kóli qoldanystaǵy jerasty-morenalyq kanaldar arqyly bosatylǵan. Sý aǵysynyń boljamdy  jyldamdyǵy sekýndyna 5 tekshe metrdi qurap, kóldegi sý deńgeıi 5 kýb metrge deıin tómendegen. Al aǵyndy sýlardyń aldyn ala boljam kólemi 20 myń tekshe metrdi qurady.

Qarǵaly shatqalynyń turǵyndary sırenalyq-dybystyq qurylǵylar arqyly jedel arada habarlandyrylyp (SDQ- lokaldy, tek shatqalda ǵana iske qosylady), Naýryzbaı aýdanynyń órt sóndirý bólimsheleri, jol-patrýldik ekıpajdary iske qosylǵan. Turǵyndardy qabyldaý pýnktteri ázirlenip, Bostandyq aýdanyndaǵy mektepter evakýasııaǵa daıyndaldy.

Tótenshe jaǵdaılardyń aldyn alý boıynsha jedel shtab qurylyp, Azamattyq qorǵanys Qyzmetteri Almaty qalasy TJD-iń  jaǵdaı jáne daǵdarys ortalyǵyna jınaldy.   Almaty  qalasynyń qutqarý Qyzmeti, QazAvıaQutqarý Borty jáne Ulttyq Gvardııanyń jeke quramy tótenshe jaǵdaıǵa  daıyn.

Bıylǵy jyly kóldi bosatý boıynsha aldyn alý jumystary 6 maýsymda bastalǵan. Osy maqsatta ónimdiligi joǵary sorǵylar, plastıkalyq qubyrlardan sıfon jipteri tartylyp, sondaı-aq tranzıttik aǵyn sýlarǵa evakýasııalyq kanal tóseldi. Jalpy alǵanda,  jumys bastalǵannan beri bastapqy  kólemi 77,2 myń tekshe metr bolǵan sýdyń 1,6 mıllıon tekshe metr mólsheri azaıtylǵan.  Tasqyn qaýpi bolýy múmkin 8 aýdan aldyn ala anyqtalyp, tótenshe jaǵdaıda 59 birlik tehnıka men 216 birlikte adam kúshi men qosymsha jaraqtar iske qosyldy.

Qazirgi ýaqytta kólden aqqan sý toqtatyldy. Qarǵaly ózeniniń arnasynda sýdyń tasýy baıqalmaıdy. Jalpy, Qarǵaly ózeniniń arnasy turaqtandy jáne sekýndyna 20 tekshe metrge deıin sý aǵyp ótedi. Aǵystyń jyldamdyǵy qazirgi ýaqytta 4,86 kýb / m quraıdy.

 

 

Sońǵy jańalyqtar

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar