QR Qarjy mınıstrligi adal básekelestikti yntalandyrý, sybaılas jemqorlyq táýekelderin tómendetý jáne memlekettik satyp alýlardyń ashyqtyǵyn arttyrý, sondaı-aq satyp alynatyn taýarlardyń, jumystar men qyzmetterdiń jáne áleýetti ónim berýshilerdiń biliktiligi sapasyn arttyrý boıynsha jumystar júrgizýde.
«Adal básekelestikti yntalandyrý sheńberinde bizdiń mindetimiz - bir kózden satyp alý úlesin azaıtý. Bul máseleni sheshý úshin 2019 jyldyń 1 qańtarynan bastap ótkizilmedi dep tanylǵan satyp alýlar boıynsha bir kózden satyp alý shartyn jasasý múmkindigi joıyldy. Nátıjesinde ótkizilmedi dep tanylǵan satyp alýlar boıynsha bir kózden memlekettik satyp alý úlesiniń 2018 jylǵy 51,3% - dan 2019 jyldyń 7 aıynda 7% - ǵa deıin azaıýy baıqalady, bul 283 mlrd teńge somasynda memlekettik satyp alýlar qorytyndylary boıynsha únemdeýge ákeldi», dedi Rýslan Beketaev.
Memlekettik satyp alýlardyń sybaılas jemqorlyq táýekelderin tómendetý jáne aıqyndyǵyn arttyrý sheńberinde memlekettik satyp alýlar júıesin tolyq elektrondy formatqa kóshirilýi aıaqtaldy.
«Memlekettik satyp alýlar týraly Zańǵa jańa túzetýlerde elektrondyq dúken arqyly satyp alýdyń jańa básekelestik tásilin engizý usynylady, ol arqyly usaq taýarlardy satyp alýǵa tez jáne yńǵaıly bolady. Sondaı-aq, satyp alýlar prosessin jedeldetý maqsatta negizdemelik kelisimderdi paıdalana otyryp satyp alýdyń jańa tásilin - konkýrs engizý josparlanýda, ol satyp alýdy orta eseppen alǵanda 3-5 kúnge deıin, 45 kúnniń ornyna júzege asyrýǵa múmkindik beredi», dedi vıse-mınıstr.
Negizdemelik kelisimderdiń artyqshylyqtary satyp alýdy uıymdastyrýǵa arnalǵan ákimshilik shyǵystardy jáne satyp alý prosesine jumsalatyn ýaqytty únemdeý bolyp tabylady.
Teris paıdalanýshylyqty tómendetý maqsatynda aǵymdaǵy jyldyń sońyna deıin memlekettik satyp alý portalynda jumys tájirıbesiniń «elektrondyq depozıtarıı» jańa fýnksıonaly iske qosylatyn bolady, óıtkeni Memlekettik satyp alýdyń 80%-yn qurylys jáne qyzmet kórsetý quraıdy, onda jeńimpazdy anyqtaýdyń negizgi ólshemi jumys tájirıbesi bolyp tabylady. Bul fýnksıonal jumys tájirıbesin avtomatty túrde esepteýge múmkindik beredi. «Elektrondyq depozıtarııdi» engizý shartty jeńildikterdi aıqyn esepteýdi jasaıdy jáne durys emes málimetterdi berý problemasyn sheshýge kómektesedi.
R. Beketaevtyń aıtýynsha, satyp alý rásimderin avtomattandyrý bıznestiń issapar, poshta, keńse jáne ózge de ústeme shyǵyndarǵa arnalǵan shyǵyndaryn memlekettik satyp alý boıynsha kelisimsharttardy jasaýǵa jáne kelisýge baılanysty aıtarlyqtaı qysqartýǵa múmkindik berdi. Jyl saıyn 1 mln-nan astam kelisimshart jasalatynyn eskere otyryp, eń óreskel esepteýler boıynsha bıznesti únemdeýdiń jalpy somasy shamamen 10 mlrd teńgeni quraýy múmkin.
Sonymen qatar, 100% avtomattandyrýdy banktik kepildikter berýdi 2019 jyldyń 7 aıynda 70 myń elektrondyq bank kepildigi berildi. Bul tapsyrys berýshilerge banktik kepildikterdiń shynaıylyǵyna alańdamaýǵa, al áleýetti ónim berýshilerge ótinim berýdi aıtarlyqtaı tezdetýge jáne jeńildetýge múmkindik berdi.
Sıfrlandyrý sondaı-aq shamamen 1,7 mln satyp alý rásimderin monıtorıngileýge múmkindik beretin onlaın baqylaýdy engizýge kómektesti, al 2015 jyly ony engizgenge deıin baqylaýmen tek 109 myń rásim qamtyldy.
Bul buzýshylyqtardyń aıtarlyqtaı tómendeýine alyp keldi, búgingi kúni memlekettik satyp alýdyń 2%-ynda ǵana buzýshylyqtar anyqtalýda, buǵan deıin árbir úshinshi memlekettik satyp alý buzýshylyqtar bolǵan. Sonymen qatar, veb-portalda memlekettik satyp alý nátıjelerine elektrondyq shaǵymdaný múmkindigi engizilgen. Endi, memlekettik satyp alýǵa shaǵym berý, onyń mártebesi men nátıjesin úıden shyqpaı, veb-portal arqyly kórýge bolady. 2019 jyldyń 7 aıynda 17 myń shaǵym kelip tústi, bul 2014 jyly 2 myńǵa jýyq.
Bul ósim, sonyń ishinde memlekettik satyp alýdy buzýdan zańsyz paıda kóretin kásibı shaǵymshylardyń paıda bolýymen baılanysty.
Memleket basshysynyń tapsyrmasyn oryndaý aıasynda Qarjy mınıstrligi memlekettik satyp alýlardy ortalyqtandyrýdyń jańa modelin pysyqtaýda. Búgingi tańda respýblıkada memlekettik satyp alýdyń jyl saıynǵy ortasha kólemi 3,2-3,5 trln teńgeni quraıdy.
