Qustyń da óz uıasy bolady
Juma, 31 mamyr 2013 2:21
Prezıdent janyndaǵy Jastar saıasaty jónindegi keńestiń tóraǵasy Ǵabıdýlla Ábdrahymovtyń jetekshiligimen ótetin keńestiń árbir otyrysy ádebıet pen mádenıet, ǵylym men bilim, saıasat pen kásipkerlik sekildi san salaly, san alýan tarmaqty jastar ómiriniń ózekti máselelerin talqylaý, kúrdeli máselelerdiń ishinara sheshimin tabý, sebebin anyqtaý, saldaryn taný, sol arqyly jastardyń qoǵamdaǵy belsendiligin arttyrý, ornyn aıshyqtaýdy maqsat tutyp keledi. Mysaly, jaqynda Shymkent qalasyndaǵy M.Áýezov atyndaǵy ýnıversıtettiń bas ǵımaratynda keńestiń HV kóshpeli otyrysy boldy. Osy jıynda keńes músheleri jastar ómirine tikeleı qatysty memlekettik mańyzy bar máselelerdi kóterdi. Máselen, óz basym keńes múshesi retinde tórt máseleni ortaǵa saldym.
Juma, 31 mamyr 2013 2:21
Prezıdent janyndaǵy Jastar saıasaty jónindegi keńestiń tóraǵasy Ǵabıdýlla Ábdrahymovtyń jetekshiligimen ótetin keńestiń árbir otyrysy ádebıet pen mádenıet, ǵylym men bilim, saıasat pen kásipkerlik sekildi san salaly, san alýan tarmaqty jastar ómiriniń ózekti máselelerin talqylaý, kúrdeli máselelerdiń ishinara sheshimin tabý, sebebin anyqtaý, saldaryn taný, sol arqyly jastardyń qoǵamdaǵy belsendiligin arttyrý, ornyn aıshyqtaýdy maqsat tutyp keledi. Mysaly, jaqynda Shymkent qalasyndaǵy M.Áýezov atyndaǵy ýnıversıtettiń bas ǵımaratynda keńestiń HV kóshpeli otyrysy boldy. Osy jıynda keńes músheleri jastar ómirine tikeleı qatysty memlekettik mańyzy bar máselelerdi kóterdi. Máselen, óz basym keńes múshesi retinde tórt máseleni ortaǵa saldym.
Onyń biri: Astana jáne Almaty sekildi respýblıkalyq mártebesi bar qalalar men oblys ortalyqtarynda ádebıet pen óner, saıasat pen ǵylym, sport salasynda júrgen jastardyń baspanamen qamtamasyz etilýi. Qustyń da óz uıasy bolady ǵoı.
Ekinshi másele: elimizde shyǵarmashylyq jastarǵa arnalǵan «Shabyt» sekildi bir ǵana halyqaralyq festıval bar. Endi respýblıkalyq deńgeıde bolsa da jastardyń darynyn ushtap, qarymyn arttyratyn, qanatyn qataıtyp, tomaǵasyn sypyratyn ári dástúrli túrde jylda ótip otyratyn festıval bolsa, nur ústine nur bolar edi. «Shabyt» elordamyzda ótse, muny mádenıetimizdiń altyn qazyǵy – Almatyda ótkizýge bolady.
Úshinshi másele: Elbasynyń ádebıet pen ónerge degen úlken yqylasynyń nátıjesinde qazaq ádebıetinde esimi altynmen jazylǵan arda qalamgerlerimizdiń atyndaǵy «Abaı oqýlary», «Oralhan Bókeı oqýlary», «Muqaǵalı oqýlary» sekildi oqýlar ótkizilip keledi. Mektep qabyrǵasynda júrgen jastardy qanattandyrý maqsatynda osy oqýlardyń árqaısysyna bes granttan bólinse. Bul – ulttyq ıdeologııamyzdyń irgetasy sanalatyn ádebıetke degen mahabbat pen qurmetti kúsheıter edi.
Tórtinshi másele: kórkem aýdarma. Mýzyka men sport tili – álemge ortaq. Údemeli ındýstrııany jolǵa qoıǵan, ınnovasııalyq jobalarmen qaryshtap damyp jatqan ekonomıkalyq qýatty memlekettiń, ol memleketti quraýshy ulttyń shyn bolmysyn, rýhanı bet-beınesin álemge alyp shyǵar, dúnıege tanytar qural – ádebıet. Jas qalamgerlerdiń shyǵarmashylyǵynyń álem halyqtary tilderine, tym bolmasa TMD aýmaǵyndaǵy elder tilderine aýdarylýy – ýaqyt talaby. Ásirese, úsh tuǵyrdyń biri – aǵylshyn tili – álemge ashylǵan tereze. Jas qalamgerlerdiń shyǵarmashylyǵyn aǵylshyn tiline aýdarý – jas memleketimizdiń jańa rýhanı keńistikke shyǵýyn qamtamasyz eter edi.
Maraltaı RAIYMBEKULY,
aqyn, Qazaqstan Jazýshylar odaǵy basqarma
tóraǵasynyń orynbasary, Prezıdent janyndaǵy
Jastar saıasaty jónindegi keńestiń múshesi.
Ońtústik Qazaqstan oblysy.
