Oblystyq forýmmen qorytyndylandy
Juma, 31 mamyr 2013 2:23
«Nazarbaev ortalyǵy» memlekettik mekemesiniń bastamasymen el azamattarynyń taǵdyrlary arqyly Elbasy Nursultan Nazarbaevtyń kemel basshylyǵymen táýelsiz memleketimizdiń búginge deıin qol jetkizgen tabystaryn kórsetýge baǵyttalǵan «Elimniń taǵdyry – meniń taǵdyrym» atty respýblıkalyq forým bizdiń óńirde de keń qoldaýǵa ıe boldy.
Juma, 31 mamyr 2013 2:23
«Nazarbaev ortalyǵy» memlekettik mekemesiniń bastamasymen el azamattarynyń taǵdyrlary arqyly Elbasy Nursultan Nazarbaevtyń kemel basshylyǵymen táýelsiz memleketimizdiń búginge deıin qol jetkizgen tabystaryn kórsetýge baǵyttalǵan «Elimniń taǵdyry – meniń taǵdyrym» atty respýblıkalyq forým bizdiń óńirde de keń qoldaýǵa ıe boldy.
Aqtóbe qalasy men aýdandarda uıymdastyrylǵan forýmdarǵa 8 myńnan astam eńbek ardageri, zııaly qaýym ókilderi, máslıhat depýtattary, memlekettik qyzmetshiler men bilim berý, densaýlyq saqtaý salalarynyń qyzmetkerleri qatysty. О́ńirde asqan uıymshyldyqpen ótken bul mádenı-kópshilik sharalar Qazaqstan Respýblıkasynyń Tuńǵysh Prezıdenti N.Nazarbaev atyndaǵy mádenıet jáne demalys saıabaǵynda ótken «Elimniń taǵdyry – meniń taǵdyrym» atty oblystyq forýmmen qorytyndylandy.
Bul jolǵy oblystyq forýmǵa qatysýshylar qatarynda memlekettik mekemeler men qoǵamdyq birlestikterdiń, jastar uıymdarynyń, etno-mádenı birlestikterdiń ókilderi, negizinen jastar boldy. Forýmnyń maqsaty el táýelsizdigin alǵannan keıingi kezeńde qol jetken jetistikterdi keńinen jarııalap, tózimdilik, rýhanı birlik pen kelisim qaǵıdattaryn nasıhattaý, jastardyń Otanǵa degen súıispenshiligin qalyptastyrý, ortaq isterge úles qosýyna yqpal etý bolyp tabylady. Bul, tutastaı alǵanda, egemen elimizdiń qalyptasýy men ilkimdi damýyna eleýli úles qosqan qarapaıym halyqtyń eren eńbegin ózgelerge úlgi etý, sol arqyly ár qazaqstandyqtyń boıynda el taǵdyrynyń bir bólshegi ekenin sezindirý.
Oblystyq forýmnyń saltanatty ashylýynda sóz alǵan oblys ákiminiń orynbasary Sara Nurqatova Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda «Qazaqstandyq patrıotızmniń irgetasy barlyq azamattardyń teń quqyǵy jáne olardyń Otan aldyndaǵy jalpy jaýapkershiligi» dep atap ótkenin tilge tıek ete kelip, qazaqstandyqtardyń Otanǵa, týǵan elge degen maqtanysh sezimi men qurmetin arttyrýdy, belsendi azamattyq ustanymyn qalyptastyrýdy kózdeıtin osy forýmǵa óz taǵdyryn el taǵdyrymen baılanystyrǵan belsendi azamattardyń qatysyp otyrǵanyn jetkizdi.
– Aqtóbelikter qaı kezde de el ekonomıkasynyń damýyna eseli eńbegimen eleýli úles qosyp júr. О́ńir ekonomıkasy qarqyndy damyp keledi. Basqasyn bylaı qoıǵanda, ótken jyly aımaqta oblys ákimi Arhımed Muhambetovtiń bastamasymen «Kórkeıe ber, týǵan jer» aksııasy júzege asyrylyp, keń qoldaýǵa ıe bolǵanyn bilemiz. Týǵan jerge degen perzenttik paryzdaryn túsingen azamattyq kózqarasy joǵary jerlesterimizdiń kúshimen 4,5 mıllıard teńgege áleýmettik nysandar salyndy, jóndeldi. Kúni keshe Astanada «Biz – bir halyqpyz, bir taǵdyrly elmiz» uranymen ótken Qazaqstan halqy Assambleıasynyń HH sessııasynda sóılegen sózinde Elbasy Nursultan Nazarbaev elimizdiń yntymaǵy men birligin nyǵaıtýǵa, egemen elimizdiń kók baıraǵy astynda bir kisideı jumylyp eńbek etýge shaqyrdy. Ortaq mindetterdi oryndaý bizdiń birligimiz ben yntymaǵymyz arqyly júzege asatyny sózsiz.Sondyqtan elimizdiń básekege qabiletti otyz eldiń qataryna enýine atsalysýǵa shaqyramyn, – dedi Sara Qaıyrjanqyzy. Ol sharaǵa qatysýshylarǵa sáttilik tiledi.
Elimizdiń órkendeýi jolynda laıyqty eńbek etip, óz taǵdyryn el taǵdyrymen etene baılanystyrǵan bir top aqtóbelikterge oblys ákiminiń Alǵys hattary men baǵaly syılyqtary tapsyryldy. Olardyń qatarynda «Qazaqstan Respýblıkasy Qarýly Kúshteri ardagerleri» qoǵamdyq birlestigi oblystyq fılıalynyń tóraǵasy, «Eńbektegi erligi úshin» medaliniń ıegeri Qajymuqan Sátenov, Yrǵyz aýdany «Naýryz-SIM» JShS dırektory, respýblıkalyq «Paryz» syılyǵynyń júldegeri Ibragım Sársenbaev, Aqtóbe tehnıkalyq kolledjiniń dırektory Lıýdmıla Kım, medısınalyq jedel járdem aýrýhanasy neırohırýrgııa bóliminiń meńgerýshisi Maqsut Orazjanov, Hromtaý taý-ken tehnıkalyq kolledjiniń muǵalimi Evgenıı Dadarov, Qandyaǵash qalasyndaǵy balalar jáne jasóspirimder sport mektebiniń paýerlıftıng bóliminiń meńgerýshisi, eki dúrkin Azııa chempıony Olga Cheremısına bar.
– Men ózimdi táýelsizdiktiń arqasynda jańa salanyń – kásipkerliktiń izasharlarynyń qatarynda bolǵanymdy maqtanysh tutamyn. Bastapqyda nebári jeti adam eńbek etetin seriktestikte 12 iri qara, 70 qoı-eshki bolsa, qazir 70 adam jumys isteıtin sharýashylyqta 3 myńnyń ústinde qoı, 200-den astam iri qara, 300-ge jýyq jylqy baǵylýda. Seriktestik budan basqa, baý-baqsha ósirýdi de jyl saıyn keńeıtip keledi, – dedi «Naýryz-SIM» JShS dırektory Ibragım Sársenbaev.
Aqtóbe tehnıkalyq kolledjiniń dırektory Lıýdmıla Kım óziniń Bógetsaı aýylynda qalyń qazaq arasynda týyp-óskenin, eńbeginiń arqasynda ǵylym kandıdaty bolǵanyn, qazir ujym basqaryp otyrǵanyn maqtanyshpen jetkizdi. Al Evgenıı Dadarov pen Lıýdmıla Cheremısına bolsa, taza qazaq tilinde múdirmeı sóılep, forýmǵa qatysýshy jastardyń boıyndaǵy patrıottyq rýhty kótere tústi.
О́ńirde ótken bul forýmdarda ıadrolyq qarýǵa synaq júrgizýge tolyq tyıym salatyn jáne ıadrolyq qarýdy joıatyn jahandyq qoǵamdyq qoldaýǵa qol jetkizý maqsatynda Elbasy Nursultan Nazarbaevtyń bastamasymen jarııalanǵan «ATOM» jobasyn oblys turǵyndary biraýyzdan qoldap, petısııaǵa qol qoıdy.
Satybaldy SÁÝIRBAI,
«Egemen Qazaqstan».
Aqtóbe oblysy.
