Astanada Kýveıt elshiligi ashylady
Seısenbi, 4 maýsym 2013 2:06
Qazaqstan Respýblıkasy Syrtqy ister mınıstriniń orynbasary Qaırat Sarybaı bastaǵan delegasııa Kýveıt memleketine jasaǵan jumys sapary barysynda Kýveıt Premer-mınıstriniń orynbasary – Syrtqy ister mınıstri sheıh Sabah Haled Ál-Hamad As-Sabahpen kelissózder júrgizdi, dep habarlady Syrtqy ister mınıstrliginiń baspasóz qyzmeti.
Seısenbi, 4 maýsym 2013 2:06
Qazaqstan Respýblıkasy Syrtqy ister mınıstriniń orynbasary Qaırat Sarybaı bastaǵan delegasııa Kýveıt memleketine jasaǵan jumys sapary barysynda Kýveıt Premer-mınıstriniń orynbasary – Syrtqy ister mınıstri sheıh Sabah Haled Ál-Hamad As-Sabahpen kelissózder júrgizdi, dep habarlady Syrtqy ister mınıstrliginiń baspasóz qyzmeti.
Kezdesý barysynda Kýveıt syrtqy saıasat vedomstvosynyń basshysy Kýveıt tarapy Qazaqstannyń joǵary halyqaralyq bedelin, sondaı-aq kópjaqty jáne ekijaqty ekonomıkalyq yntymaqtastyqtyń bolashaq áleýetin eskere otyryp, ústimizdegi jyldyń aıaǵyna deıin Astanada óz elshiligin ashýdy josparlap otyrǵanyn jáne onyń saltanatty ashylýyn Kýveıt Premer-mınıstriniń orynbasary – Syrtqy ister mınıstri sheıh Sabah Haled Ál-Hamad As-Sabah Qazaqstanǵa resmı sapary barysynda ótkizý nıeti bar ekenin jetkizdi.
Suhbat aıasynda taraptar Qazaqstan men Kýveıt arasyndaǵy túrli salalardaǵy yntymaqtastyq máselelerin, atap aıtqanda, ekijaqty saıası, ekonomıkalyq jáne mádenı-gýmanıtarlyq baılanystardy damytý joldaryn talqylap, aımaqtaǵy túıtkildi máseleler boıynsha oı bólisti.
Q.Sarybaı Kýveıtke sapary sheńberinde saýda-ekonomıkalyq yntymaqtastyq jónindegi Qazaqstan-Kýveıt úkimetaralyq birlesken komıssııasynyń teń tóraǵasy, Kýveıt Qarjy mınıstriniń orynbasary Halıfa Hamadamen, Kýveıt arab ekonomıkalyq damý qorynyń (KAEDQ) bas dırektory Ábdelýahab Ál-Badrmen kezdesýler ótkizdi. Kezdesýler barysynda elder arasyndaǵy ekijaqty yntymaqtastyqty jańa deńgeıge kóterý, úkimetaralyq komıssııanyń kezekti 3-otyrysyn aldaǵy qyrkúıekte Astanada ótkizý jáne elimizge ınvestısııa tartý, kýveıttik kásipkerlerdiń Qazaqstan naryǵyna belsendi aralasýy men 2017 jyly Astanada ótetin EKSPO-2017 halyqaralyq kórmesin uıymdastyrýǵa atsalysý máseleleri talqylandy.
