Azamattyq ún
Juma, 7 maýsym 2013 2:25
Keshe «Nur Otan» halyqtyq-demokratııalyq partııasynyń ortalyq ofısinde partııa Tóraǵasynyń orynbasary Baýyrjan Baıbek qoǵamdyq qabyldaý ótkizdi.
B.Baıbektiń osyǵan deıingi aımaqtardy aralaǵan saparlarynda qoǵamdyq qabyldaýlar ótkizgeni jaqsy málim. Al bul jolǵy elordadaǵy qabyldaýyna negizinen azamattyq ustanymdary aıqyn, elge qajetti iske jany aýyratyn belsendi qoǵamdyq ınstıtýttardyń ókilderi kelipti.
Juma, 7 maýsym 2013 2:25
Keshe «Nur Otan» halyqtyq-demokratııalyq partııasynyń ortalyq ofısinde partııa Tóraǵasynyń orynbasary Baýyrjan Baıbek qoǵamdyq qabyldaý ótkizdi.
B.Baıbektiń osyǵan deıingi aımaqtardy aralaǵan saparlarynda qoǵamdyq qabyldaýlar ótkizgeni jaqsy málim. Al bul jolǵy elordadaǵy qabyldaýyna negizinen azamattyq ustanymdary aıqyn, elge qajetti iske jany aýyratyn belsendi qoǵamdyq ınstıtýttardyń ókilderi kelipti.
«Otbasylyq tárbıe» JShS-niń bas dırektory Sofıa Evdokımova qabyldaýǵa otbasylyq qundylyqtardy qasıetteýge negizdelgen jobalaryn arqalaı jetipti.
Úsh jyl buryn qurylǵan ınstıtýt osy ýaqyt ishinde otbasynyń irgesi bekýine qatysty ózderi atsalysqan birneshe baǵdarlamalaryn aıta kele, bul rette elimizde arnaıy mamandanǵan pedagog-psıhologtardyń azdyǵyna toqtaldy. Sol olqylyqtyń ornyn toltyrý úshin oblystardan kelgen pedagog-psıhologtardyń ınstıtýt qabyrǵasynda biliktilikterin arttyrǵanyn, oǵan elimizdiń Bilim jáne ǵylym mınıstrligi tarapynan qoldaý tabylǵanyn, kerisinshe, otbasynyń irgesi qalanar sátte olarmen jumys jasaıtyn AHAJ-ortalyqtarynda psıholog mamandardyń múlde joqtyǵyn aıtyp, Ádilet mınıstrligine jazǵan hatyna jaýap bolmaı otyrǵanyn jetkizdi. Sonymen qatar, Qorǵanys, Densaýlyq saqtaý mınıstrlikterine de birneshe ret hat jazyp, jaýabyn kútip, eki kózderi tórt bolǵanyn tilge tıek etti. Osylaısha ózi úshin emes, kóp úshin shyryldaǵan S.Evdokımova nurotandyqtardan ózderi atqaryp júrgen jumystaryna qoldaý kórsetýdi surady.
Partııa Tóraǵasynyń orynbasary: «Sofıa Lvovna, sizdiń belsendi azamattyq kózqarasyńyzǵa aldymen alǵysymdy bildirgim keledi. Jeke basyńyzdyń qamymen emes, búkil qoǵamymyz úshin qajetti, asa mańyzdy ispen partııaǵa senim artyp kelgenińiz óte qýattalatyn qadam. Bul – bizdiń partııalyq doktrınamyzben óte úndes, Elbasynyń ózi únemi nazarynda ustaıtyn másele. Sondyqtan partııa, aldyn ala aıtaıyn, bastamalaryńyzdy qoldaıdy, al onyń qandaı baǵyttarda júretini ózderińizben aqyldasa otyryp, bir aıdyń ishinde sheshiledi», dep jaýap berdi.
Qoǵamdyq qabyldaýdyń endigi ótinish bildirýshisiniń de oılaǵany balalar qamy eken. Balalar mekemeleri men mektepterde durys tamaqtaný máselesimen aınalysyp júrgen Marat Baelev balalardyń tamaqtanýynda biryńǵaı úlgi-qalyptyń joqtyǵyn alǵa tartty. Munyń ústine elimiz boıynsha kóptegen mektepterde oqýshylarǵa ystyq tamaq ta berilmeıdi eken. Eger paıyzǵa shaǵyp eseptese, ol 69-dan kóterilip kórmepti. Standart joqtyǵynan ashanalarǵa ákelýge bolatyn azyq-túlikterdiń reestri jasalmaǵan. Onyń arty kóbine mektep ashanalaryna balalar aǵzasyna zııandy taǵamdar enip ketý táýekelin arttyrady.
Osylaı degen Marat Sembaıuly Densaýlyq saqtaý mınıstrliginde balalar dıetology shtatynyń qarastyrylmaǵanyn alǵa tartty. Eldiń bolashaǵy balalardyń densaýlyǵyna qatysty máselege partııa tarapynan qoldaý suraǵan qoǵamdyq uıym ókili osy mańyzdy problemany jónge qoıatyn zańdyq negiz qalanýy qajet degen oıyn jetkizdi. Máseleniń mánisin túbirinen uǵynǵan B.Baıbek: «Oılaryńyz óte oryndy, bul iske tıisti mınıstrliktermen qatar, Parlamenttegi nurotandyqtar da aralasady degen pikirdemin. Usynystaryńyz ben ótinishińizdi qaldyryńyz, qarastyramyz», dep jaýap berdi.
Al aıtys súıer qaýymǵa «Sary tentek» bolyp tanylǵan Qýanysh Maqsutov halqymyzdyń tóltýma óneri– kúıdiń dástúrli erekshelikterin saqtaý men nasıhattaý úshin respýblıkalyq «Shertpe kúı» festıvalin ótkizýge «Nur Otan» HDP-dan kómek suraı kelipti. «Saıgez» jeke qoryn basqaratyn aıtysker aqyn óner ındýstrııasyn jolǵa qoıý qajet degen Elbasymen bir kezdeskende tapsyrma alǵanyn, sol boıynsha ózderi atqarǵan jumystardy aıtyp, shyǵarǵan ónimderin de kórsetti. Tóraǵa orynbasary Q.Maqsutovtyń da usynysyn tolyq qoldap, festıvaldi birlese ótkizý máselesiniń jan-jaqty qaralatynyn aıtty.
О́ner–halyqtyń ólmes baılyǵy. Ony urpaqtardan urpaqtarǵa jetkizip, altyndaı jarqyrata, mazmunyn baıyta, neǵurlym qalyń kópshilikke nasıhattaı órletý partııanyń da nazarynda ekenin jetkizgen Baýyrjan Baıbek taǵy da azamattyq únderi aıqyn otandastarǵa rızashylyǵyn jetkizdi.
Anar TО́LEÝHANQYZY,
«Egemen Qazaqstan».
