Jas patrıottar jıyny
Seısenbi, 11 maýsym 2013 2:08
Qostanaıda áskerı-patrıottyq klýbtardyń «Jas patrıot-2013» respýblıkalyq sleti jetinshi ret ótti.
Otanymyzdyń tynyshtyǵyn qorǵaý úshin aldymen jas urpaqtyń boıynda elge, jerge degen patrıottyq sezimdi qalyptastyrý qajet. Sol úshin elimizdiń barlyq óńirlerinde balalardyń áskerı-patrıottyq klýbtary jumys isteıdi. Qostanaı oblystyq jastar saıasaty basqarmasynyń tapsyrysymen Balalar men jastar uıymdarynyń qaýymdastyǵy uıymdastyrǵan sletke bul joly Semeı qalasy men Soltústik Qazaqstan oblysynan da áskerı-patrıottyq klýbtar keldi.
Seısenbi, 11 maýsym 2013 2:08
Qostanaıda áskerı-patrıottyq klýbtardyń «Jas patrıot-2013» respýblıkalyq sleti jetinshi ret ótti.
Otanymyzdyń tynyshtyǵyn qorǵaý úshin aldymen jas urpaqtyń boıynda elge, jerge degen patrıottyq sezimdi qalyptastyrý qajet. Sol úshin elimizdiń barlyq óńirlerinde balalardyń áskerı-patrıottyq klýbtary jumys isteıdi. Qostanaı oblystyq jastar saıasaty basqarmasynyń tapsyrysymen Balalar men jastar uıymdarynyń qaýymdastyǵy uıymdastyrǵan sletke bul joly Semeı qalasy men Soltústik Qazaqstan oblysynan da áskerı-patrıottyq klýbtar keldi.
– Slettiń qasıetti Jeńis parkinde bastalýynyń mańyzy erekshe. Uly Otan soǵysynda Qostanaı óńirinen 31 Keńes Odaǵynyń Batyry, 9 jaýyngerlik «Dańq» ordeniniń tolyq ıegeri shyqty. Olar Otany úshin jaý oǵyna keýdesin tosty, qasyq qany qalǵansha jaýmen alysty, sóıtip Jeńisti jaqyndatty. Sender sondaı batyrlardyń urpaǵysyńdar! Aǵa urpaq erligi senderge úlgi bolsyn! Bizdiń keń baıtaq Otanymyzdy qorǵaıtyn, onyń tynyshtyǵyn kúzetetin sender bolasyńdar. Otandy súıińder, ony qorǵaýǵa árqashanda daıyn bolyńdar! – dedi slette Uly Otan soǵysynyń ardageri, Qostanaı qalalyq ardagerler keńesiniń tóraǵasy Mıhaıl Podolıakov.
Otandy qorǵaýshylar eń aldymen shymyr bolýlary jáne áskerı jattyǵýlardy sheber ıgere bilýleri kerek. Eki kúnge sozylǵan slettiń barlyq sharalary Ishki ister mınıstrliginiń Qostanaı qalasy irgesindegi №66/97 ishki ister áskerı bóliminiń áskerı polıgonynda ótti. 2007 jyldan beri ótkizilip kele jatqan áskerı-patrıottyq klýbtardyń oblystyq, respýblıkalyq sletteri balalardy shyńdaı túsýmen birge, olarǵa áskerı ómirdiń mádenıetin úıretip, qyr-syrynan aqparattandyrady.
– Respýblıkalyq slettiń eń birinshi artyqshylyǵy – balalar birimen biri aralasady, dostasady. Jarysta ár vzvod jeńiske birigip umtylady. Osyndaı sharalarda tanysyp, dostasýdyń balalardyń bolashaǵy úshin mańyzy zor. Olardyń barlyǵy erteńgi sarbazdar ǵoı. Dostyq bar jerde álimjettik sııaqty keleńsiz oqıǵalar oryn almaıdy. Osy slette balalarǵa elimizdiń Qarýly Kúshteri jóninde aıttyq, ár áskerdiń óz ereksheligi bar. Olardyń barlyǵynan jas patrıottardyń habary bolýy tıis, – deıdi Qostanaı qalasyndaǵy «Qaısar» áskerı-patrıottyq klýbynyń jetekshisi Anatolıı Baterın.
Oblystaǵy áskerı-patrıottyq klýbtar daıyndalatyn alańnyń joqtyǵy, olardyń materıaldyq-tehnıkalyq bazasynyń nasharlyǵy ózekti bolyp otyr. Al ishki ister áskerı bóliminiń óziniń áskerı polıgonyn usynýy bıylǵy slettiń basty ereksheligi men artyqshylyǵyna aınaldy. Sondyqtan slet sharalary naǵyz áskerı ómirge jaqyndaı tústi.
– Slettiń maqsaty da sol – balalardy áskerde qyzmet etýge, Otan aldyndaǵy áskerı boryshyn óteýge nasıhattaý, – deıdi Balalar men jastar uıymdary qaýymdastyǵynyń tóraıymy Natalıa Novodvorskaıa.
Sletke qatysýshylar áskerı polıgonda túrli kedergilerden ótip, «kepilge alynǵandardy» qutqardy, taǵy da kóptegen áskerı tapsyrmalardy oryndady.
Názıra JÁRIMBETOVA,
«Egemen Qazaqstan».
QOSTANAI.
