Foto: Valerıı Býgaev
Bolat Baqaýovtyń aıtýynsha, oblystaǵy kásiporyndar qazir «Sıfrly Qazaqstan» baǵdarlamasyna qosylǵan. Innovasııalyq tehnologııalar boıynsha óńirde 40-qa jýyq joba júzege asyrylýda.
Mınıstr Asqar Jumaǵalıev óńirdegi sıfrlyq júıede jumys jasap jatqan nysandar qyzmetimen, zamanaýı tehnologııalardy tanysty.
Mysaly, TKR kompanııasy jattyǵý qurylǵylaryn, ınteraktıvti modýlder, oqytýǵa arnalǵan júıeler qurastyrý, zamanaýı 3D tehnologııalar arqyly túrli qurylǵylardy tanystyrýmen aınalysady.
Sondyqtan, joǵary oqý oryndary, iri kásiporyndar tarapynan suranys kóp. Qazirgi ýaqytta TKR kompanııasynyń jobasyn «Qazaqstan Alıýmınıı» AQ zaýyty paıdalanýda. Baǵdarlama arqyly qyzmetkerlerin oqytady.
-Bizdiń baǵdarlamalar túrli baǵyttaǵy derekterdi ınteraktıvti túrde bere alady,-dedi mınıstrge kompanııa ókilderi.
Mysaly, joǵary oqý oryndary John Deere tehnıkasymen jumys jasaýdy ártúrli tehnıkamen úıretýi múmkin. Al,biz vırtýaldy álemde sol tehnıkany qurastyramyz. Stýdentter jasalǵan tehnıkamen tájirıbeden óte alady. Oqý bitirgen soń ózi tańdaǵan jerde jumys jasaıdy.
Osyndaı jańashyldyqty kórgen Asqar Jumaǵalıev óńirdegi aqparattyq tehnologııalardyń qoldaný barysyna jaqsy baǵa berdi.
- Elimizde «Sıfrly Qazaqstan» baǵdarlamasynyń alǵashqy kezeńi júrgizilýde. Oblys ortalyqtarynda, shaǵyn qalalarda ınternet qyzmeti úzdiksiz. Endigi másele,sapaly ınternetti aýyldarǵa jetkizý, dedi mınıstr.
Budan keıin Asqar Jumaǵalıev oblys ortalyǵynda jýyrda ǵana ashylǵan «Kóshi-qon qyzmeti», «Halyqqa qyzmet kórsetý ortalyǵynda boldy.
«Kóshi-qon qyzymeti» ortalyǵy -Sheteldik eńbek mıgranttaryna «Bir tereze» qaǵıdaty boıynsha qyzmet kórsetýde.
«Halyqqa qyzmet kórsetý ortalyǵyna» barǵan mınıstrdi ortalyqtyń jumysymen «Azamattarǵa arnalǵan úkimet» memlekettik korporasııasynyń basqarma tóraıymy Ásemgúl Baltash tanystyrdy.
Front-ofıs kúnine 1200-ge jýyq qyzmet kórsetedi, onyń jartysynan kóbin turǵyndar elektrondyq formatta alady.
PAVLODAR
