Aımaqtar • 19 Tamyz, 2019

Shaǵyn aýdandardyń turǵyndarymen kezdesti

30 retkórsetildi

Búginde Shymkent qalasy ákimdigi úshin sheshimi kezek kúttirmeıtin túıinniń biri – qalaǵa Túrkistan oblysynan qosylǵan eldi mekenderdiń ınfraqurylym máselesi. Shaharǵa qosylyp, jartymyz bútindelip, jyrtyǵymyz jamalady degen aǵaıynnyń jyl on eki aı kóteretini de osy taqyryp.

Jýyrda qalaǵa irgeles eldi­ me­ken­der­diń osy máselesimen tanysý úshin qala ákimi Erlan Aıtahanov Memleket basshysynyń shetki aımaqtardy damytý týraly tapsyrmasyn júzege asyrý maqsatynda «Bazarqaqpa», «Qarabastaý» turǵyn alaby men «Kóksaı-2» jáne «Kóksaı-3» shaǵyn aýdandaryn aralaǵan bolatyn.

Jumys sapary kezinde qala basshysyna Túrkistan oblysynyń Saıram jáne Tólebı aýdandarynan Eńbekshi aýdanyna qosylǵan 16 eldi mekenniń ınfraqurylym máselesi boıynsha aýdan ákimi Ǵalym Ilıasov baıandady.

Shahar basshysy aýyl bılerimen jáne jergilikti turǵyndarmen kezdesip, qor­da­lanǵan máselelerdiń túıinin tarqatty. Atap aıtqanda, aýdandaǵy isten shyqqan káriz júıesi, «Saıram sý» ózeninen ótetin eski kópirge kúrdeli jóndeý júrgizý, «Badam» ózeniniń ústimen ótetin jańa kópirdiń qurylysy, jeke turǵyn úılerdiń qujattaryn zańdastyrý men áleýmettik nysandardyń qajettiligi syndy problemalar kóterildi. Sonymen qatar turǵyndardy sapaly elektr qýaty men aýyz sý jáne gaz máselesi de mazalaıdy eken. Qala ákimi bul máselelerdiń kezeń-kezeńimen sheshiletinin jetkizdi.

 «Búginde Túrkistan oblysynan qala aýmaǵyna qosylǵan 41 eldi meken bar. Olardyń kóbinde áli kúnge deıin aýyz sý, jaryq, kógildir otyn men qatynas úshin kóshe joldary joq. Elbasy Nursultan Nazarbaev Nur Otan partııasynyń sezinde Úkimetke aýyldyq jerlerge turǵyn úı, jol salyp, kommýnıkasııa tartý qajettigin tapsyrǵan bolatyn. Osy jumystardyń barlyǵyn megapolıske qosylǵan aýdandarda da júrgizýimiz qajet. Kóp jyldardan beri qordalanyp kele jatqan kommýnaldyq máselelerdi ret-retimen sheshetin bolamyz», dedi qala ákimi.

Qala basshysy Shymkenttegi Kók­bulaq, Igilik shaǵyn aýdany turǵyn­da­rynyń da talap-tilekterin tyńdap, ótinishterin oryndaýǵa ýáde bergen edi. Araǵa 10 kún salyp, ákimniń halyqqa bergen ýádesi negizinde №180 avtobýs baǵyty ashyldy. Osylaısha on kún buryn berilgen ýáde oryndalyp, atalǵan eki aýylǵa salqyndatqyshy bar qoǵamdyq kólikter qatynaı bastady.

«5 jyldan beri eldi mekennen qalaǵa qatynaý muń bolǵan. Shaǵyn avtobýsqa syımaı qalyp qoıǵandar taksımen qatynaıtyn. Endi mine, jańa avtobýs júrip, qýanyshymyz kóbeıip otyr», dedi eldi me­ken turǵyny Bıbisara Balashova.

Búgin­de qalaǵa qosylǵan aýyl-aımaqtaǵy qoǵamdyq kólik máselesin she­shý úshin jergilikti bılik 300-ge jýyq jańa avtobýstar alyp keldi. Qazirgi tańda qoǵamdyq kólikter áleýmettik baǵyttar boıynsha ret-retimen qala tuǵyndaryna qyzmet kórsete bastady.

«Qazir qalada 138, 158, 45, 96, 16, 10 jáne 113 baǵyttar boıynsha da jańa avtobýstar jolaýshylar tasymaldaýda. Áleýmettik mańyzdy 10 baǵytqa jańa qoǵamdyq kólikter júre bastady. №180 avtobýs solardyń biri. Ákimniń ýádede turyp, máseleni sheshkeni – halyq senimin arttyryp, bılikpen aradaǵy baılanysty odan ári nyǵaıta túseri anyq», deıdi avtobýs júrgizýshisi Bolat Satqulov.

Máseleni jedel sheshkeni úshin tur­ǵyndardyń qala ákimi Erlan Qýanysh­ulyna aıtar alǵysy sheksiz. Endi qatynaý jıiligi 5-10 mınýttan aspaı­tyn jańa avtobýstar eki eldi mekenniń turǵyndaryn kózde­gen jerlerine jetkizip jatyr. Qoǵamdyq kólik mekemesiniń jaýapty qyzmetkerleriniń aıtýynsha, jańa oqý jyly bastalǵanda avtobýstardyń sany eki esege artpaq.

 

ShYMKENT

 

Sońǵy jańalyqtar

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Judyryqtaı jumylaıyq

Rýhanııat • Búgin, 07:45

Qurylys salasy turalamaýǵa tıis

Úkimet • Búgin, 07:44

Kásipkerler tilegi eskerildi

Bıznes • Búgin, 07:40

«Moskvanyń» máselesi kóp

Aımaqtar • Búgin, 07:36

Zaýaldy birlik jeńedi

Qoǵam • Búgin, 07:35

Uqsas jańalyqtar