D.ál-Amaanı qazaqstandyq kompanııalardy 3-7 qazan aralyǵynda Jıdda qalasynda ótetin «HALAL EXPO» kórmesine shaqyrdy. Sondaı-aq ol Qazaqstannan qyzyǵýshylyq tanytyp qatysýǵa daıyndyqtaryn bildirgen kompanııalarǵa uıymdastyrýshylyq sharalary boıynsha jan-jaqty kómek pen jeńildikter jasaýǵa daıyndyqtaryn jetkizdi. Kezdesý barysynda taraptar eki el arasyndaǵy saýda-ınvestısııalyq baılanystardy keńeıtýdiń joldary men Qazaqstanda halal azyq-túlik óndirisin damytý múmkindikterin talqylady.
Kórmeni ótkizýdiń maqsaty – qatysýshylarǵa Islam álemindegi halal óndirispen aınalysatyn jáne qyzmet kórsetetin kompanııalar arasynda iskerlik baılanystar ornatý, tájirıbelerimen bólisý, ónimderi men qyzmetterin usynýǵa jańa naryqtar tabý, qyzmetterin odan ári damytý jolynda tap bolyp otyrǵan problemalardy sheshý joldaryn talqylaý, perspektıvaly ınvestısııalyq jobalardy usyný jáne birlesken kompanııalar qurýǵa múmkindikter jasaý bolyp tabylady.
О́z kezeginde B.Aryn D.ál-Amaanıdiń kórmege shaqyrýyna jáne óz taraptarynan uıymdastyrýshylyq sharalardyń barlyq máseleleri boıynsha kómek berýge daıyndyqtaryna rızashylyǵyn bildire otyryp, aldaǵy ótetin kórmege qazaqstandyq kompanııalardyń qatysýlary boıynsha elimizdegi quzyretti organdarmen pysyqtaý jumystar atqarylatyndyǵyn habarlady.
HALAL EXPO halyqaralyq kórmesine qatysý aýyl sharýashylyq salasynda qyzmet etetin qazaqstandyq kompanııalar úshin Parsy shyǵanaǵyndaǵy arab elderiniń zor áleýeti bar naryǵyna óz ónimderin shyǵarýǵa múmkindik beretini sózsiz.
