Qazaqstan • 19 Tamyz, 2019

Qorǵanys mınıstrligi alpınısterdi qutqarý operasııasyn bastady

27 retkórsetildi

Qorǵanys mınıstrligi Qyrǵyz taýlarynda joǵalǵan alpınıster Murat О́tepbaev, Andreı Korneev, Aleksandr Chechýlındi qutqarý operasııasyn bastady. Bul týraly mınıstrliktiń baspasóz qyzmeti habarlady.

Mınstrliktiń baspasóz qyzmeti taratqan aqparatqa qaraǵanda, alpınısterdiń biri qaza bolýy múmkin. Qutqarýshylar tobyna áıgili alpınıst Maqsut Jumaev jetekshilik etýde. Top quramynda aǵa leıtenant Vasılıı Pıvsov pen maıor Amanjol Rahmetov bar.

Áskerı qyzmetshiler táýlik boıy tolyq jaýyngerlik ázirlikte boldy jáne ushýǵa ruqsat kútip otyrdy. QR Tótenshe jaǵdaılar komıtet usynǵan tikushaq kómegimen 4400 metr bıikke kóterilip, alpınısterdiń bazalyq lagerinde izdestirý jumystaryn bastaıdy.

«Aýa raıynyń kúrt nasharlaýyna izdeý jumystaryn qıyndatýda. Sondyqtan áskerıler teplovızor quralyn paıdalanbaqshy. Mundaı bıiktikte jumys isteý úshin jerdiń syryn biletin qutqarýshylardy jiberý óte mańyzdy boldy. Qutqarý operasııasyna qatysýshylar jaqynda Reseıdiń joǵarǵy shyńynda ótken alpınızm boıynsha «Elbrýs sheńberi 2019» halyqaralyq jarysynan kelgen bolatyn», - delingen baspasóz qyzmetiniń málimetinde.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar