Aımaqtar • 19 Tamyz, 2019

Almaty ákimi muǵalimniń mártebesin kóterý jáne olarǵa qoldaý kórsetý sharalary týraly aıtty

45 retkórsetildi

Búgin, 19 tamyzda Almatyda bilim júıesi qyzmetkerleriniń forýmy ótip jatyr.

Almaty ákimi Baqytjan Saǵyntaev qalanyń bilim salasyn damytýdyń perspektıvalary jáne birinshi kezektegi mindetter týraly aıtty.  Forýmda muǵalim mamandyǵynyń mańyzy jáne elimizdiń laıyqty azamattaryn tárbıeleýdegi pedagogtyń erekshe mıssııasy týraly sóz qozǵaldy. О́skeleń urpaqqa sapaly bilim men ónegeli tárbıe berýdi jaqsartý máseleleri keńinen talqylandy.

«Mektep – jeke tulǵany jáne olardyń boıynda týǵan eline degen shynaıy súıispenshilikti qalyptastyratyn kıeli oryn. Bilim oshaǵynda dáris alatyn oqýshylardyń bolashaǵy zor ári olar baqytty bolýlary tıis»,  dedi Baqytjan Saǵyntaev qalanyń muǵalimder qaýymdastyǵy aldynda sóılegen sózinde.

Ákim óziniń sózinde pedagogıkalyq joǵary oqý oryndary men kolledjderdi bitirip, Almatynyń memlekettik mektepterinde eńbek joldaryn endi bastaıtyn barlyq jas mamandarǵa birrettik materıaldyq kómek berý jóninde sheshim qabyldanǵanyn aıtty. Bıylǵy jyly 700 jas muǵalim bıýdjettik qarjynyń esebinen 20 aılyq eseptegi kórsetkish kóleminde grant alatyn bolady.

«Bul shaǵyn kómek, degenmen osynaý alǵashqy qadamnyń qalanyń pedagogıkalyq qaýymdastyǵyna qoldaý kórsetýdiń mańyzdy sımvoly bolatyndyǵyna men senimdimin», dep atap ótti Almaty ákimi.

Sonymen qatar, úzdik bilim uıymdaryn 800 aılyq eseptik kórsetkish boıynsha jyl saıynǵy dástúrli marapattaý jalǵasady. Al, búgin jeńimpaz 24 mıllıon teńge kóleminde júlde alatyn bolady.

Aıta keterligi, qalanyń úzdik pedagogıkalyq ujymdaryna jyl saıyn aqshalaı syılyqtar beriledi.

2020 jyldan bastap qala ákiminiń sheshimi boıynsha megapolıstiń eren eńbek etip, sapaly bilim bergen úzdik pedagogtaryna Almaty ákiminiń arnaıy granty tapsyrylady. Onyń Erejesin, nomınasııasyn, krıterıılerin ázirleý jáne kimge berilýi tıis ekenin anyqtaý oqytýshylardyń ózderi júkteledi.

Muǵalim mamandyǵynyń mártebesin arttyrý úshin qalada aýqymdy aqparattyq naýqan uıymdastyrylady, onyń barysynda BAQ shahardyń úzdik pedagogtary, úzdik oqý praktıkalary men keısteri týraly jazatyn bolady. Bul shara qoǵam úshin bilim júıesin damytýdyń durys vektoryn qalyptastyrýǵa yqpal etedi.

Almaty ákimi jańadan qolǵa alynatyn ári jyl saıyn ótetin «Úzdik ustaz» («Lýchshıı pedagog») baıqaýy jáne onyń qorytyndysy 2020 jyldan bastap Muǵalim kúni qarsańynda shyǵatyny týraly habardar etti. Jeńimpazdarǵa yntalandyrý syılyǵy retinde páter, avtomobıl jáne basqa da baǵaly syılyqtar beriledi. «Muǵalim – bilim salasyndaǵy basty tulǵa, sondyqtan qoǵam úshin asa mańyzdy mamandyqtyń mártebesin kóterýge tıispiz»,  dep atap ótti B. Saǵyntaev.

Qazirgi kezde Almatyda 32 myńǵa jýyq muǵalim bar.

 

ALMATY

                                                                        

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar