Aımaqtar • 19 Tamyz, 2019

Ákeden daryǵan ata kásip

47 retkórsetildi

Týǵan ólkeniń taý-tasynda at qulaǵynda oınap ósken Erkebulan úshin shyǵarmashylyq oıdyń erkindigi asa mańyzdy.  Almaty oblysynyń Tasashy baýraıynda balalyq shaǵyn ótkergen ol sheberliktiń ákesinen daryǵanyn aıtady. «Ákem Sovetbektiń ismerligine aýyl tánti bolatyn. Turmystyq buıymdardy jasatýǵa kelgenderdiń meselin qaıtarmaı, áńgimesin shırata otyryp, kádege asatyn dúnıelerdi jarqyrata jasaǵanyna qyzyǵyp, shaǵyn sheberhanany aınalsoqtap júrýshi edim»,- deıdi Erkebulan.

Otyz jasynda óz sheberhanasynyń irgesin qalaǵan Erkebulan jasaǵan ulttyq buıymdar úlken suranysqa ıe. «Búginde 4-5 sheberi bar sheberhanamyzdyń tabysy jaqsy jolǵa qoıyldy.  2007 jyly Abaı atyndaǵy Qazaq Ulttyq pedagogıkalyq ýnıversıtetiniń «Kórkem sýret» fakýltetiniń «Sándik qoldanbaly óner» mamandyǵyna oqýǵa túsip, Kánigi sheber, professor Jolaýshy Turdyǵulovtyń mektebinen ótip, «DalaSazy» sheberhanasynyń jetekshisi Almas Mustafaevtan alty jyl tájirıbeden ótip shyńdaldym»,- deıdi sheber. Mektep qabyrǵasynda sport salasyna úıirsek bolǵan Erkebulan ýnıversıtettiń voleıbol komandasynda óner kórsetip, «О́shirgishter» kóńildi-tapqyrlar komandasynda da belsendilerdiń biri boldy. Bala jastan janyna jaqyn kásipke mamandanǵan Erkebulan óziniń jeke sheberhanasyn ashýdy árkez jadynan shyǵarmaı júretin. Osy turǵyda óz oıymen bólisken Erkebulan «Jeke kásibimdi ashý árıne ońaı bolǵan joq. Joǵaryda atap ótkenimdeı, janashyr aǵalarymnyń keńesimen, jaqyndarymnyń demeýshiligimen sheberhana jumysyn bastadym. Inim men jaqyn joldasym astyndaǵy kóligin berip demegeni maǵan úlken serpilis boldy. Sheberhanamyzda ulttyq aspaptarymen qatar astaý, kúbi, besik sııaqty ulttyq mańyzy bar buıymdardy jasaımyz. Al  buıymdardyń satylýy emes, sapasyna nazar aýdaramyz. Ulttyq aspaptardy jasaýda jańǵaq, qaıyń, shyrsha sııaqty jergilikti aǵashtarmen qatar shetelderdiń tropıkalyq ormandarynan ákelingen aǵashtardy da kádege asyramyz.  Aldaǵy ýaqytta  memleket tarapynan qoldaý bolyp jatsa, kóptegen jobalardy júzege asyrý josparymyzda bar»,- deıdi Erkebulan Sovetbekuly. Ulttyq baǵyttaǵy baıqaýlarǵa jıi qatysyp turatyn sheberler «DalaSazy» ulttyq mýzykalyq aspaptar kórmesinde sertıfıkatpen marapattalyp, Atyraý qalasynda ótken «Úkili dombyra» baıqaý báıgesiniń dıplomanty atandy. Al ulttyq aspap isindegi jetistikterin pash etýde  «Vernısaj» kórmesine qoıylǵan buıymdary kópshilikti tánti etse, Malazııada ótken  «Royal Selancor»  school of Hard knocks festıvaline qatysý jas sheberlerdiń shyńdala túsýine yqpal etken mańyzdy sharalardyń biri. «Sheber-2015» jetinshi Qazaqstan qolónershiler konkýrsynyń «Daryndy bastaý» nomınasııasy boıynsha jeńimpaz atanýy, «Ańyz dombyra» II Respýblıkalyk sheberler baıqaýynyń 2-shi oryn júldegeri, «Sheber-2016» segizinshi Qazaqstan qolónershiler konkýrsy, Indııada ótken «31 Surajkund international grafts mela» festıvali, sondaı-aq «Jetisu style» festıvaline qatysýy sheberhana qorjynyndaǵy jetistikteriniń nyshanyndaı. Al ótken jyly  Raıymbek aýdany jas kásipkerler forýmynyń alǵys hatyna, sondaı-aq Kegen aýdany 22 naýryz kórmesiniń alǵys hatyna ıe bolsa, aýdan ákiminiń alǵys hatymen marapattalyp, bıylǵy jyly Atyraýda ótken «Úkili dombyra» baıqaýynan alǵys hat alyp qaıtty.

Erkebulan Sovetbekuly ár buıymǵa erekshe izdenis pen shyǵarmashylyq ádis-tásilderdi qoldanýdyń mańyzdy ekendigin aıta otyryp, sheber úshin de sheberligin shyńdap otyrý qajet dep sanaıdy. Osy baǵytta Almaty qurylys jáne halyqtyq kásipshilik kolledjin tórtinshi dárejedegi mýzykalyq aspaptardy jasaýshy mamandyǵy boıynsha támamadap, VERSUS akademııasynyń bıznes kýrsyn aıaqtady.

Búginde Erkebulan jasaǵan ult aspaptary elimiz sahnalarynyń kórkine aınalǵan.

 

ALMATY

Sońǵy jańalyqtar

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar