Endigi mindet – oryndaý
Beısenbi, 10 qańtar 2013 7:20
Elbasymyzdyń 2050 jylǵa deıingi damý strategııasy búginde jer-jerde keńinen talqylanýda. Toleranttylyqty tý etken halqymyz dástúrli dúnıetanymymyzǵa saı qashanda árbir istiń astarynan jaqsylyqty nıet etken. Halyq danalyǵy «eki dúnıeń abat, eki toıyń qabat bolsyn» deıdi. Halqymyzdyń jaqsylyq pen jasampazdyqqa negizdelgen tarıhı isteri kóbinese qosarlanyp kelip jatqan tustaryn, árıne, jaqsy yrymǵa balaımyz. Asylynda, bul Joldaýdyń erekshe tustary basym dep aıtýǵa tolyq negiz bar.
Beısenbi, 10 qańtar 2013 7:20
Elbasymyzdyń 2050 jylǵa deıingi damý strategııasy búginde jer-jerde keńinen talqylanýda. Toleranttylyqty tý etken halqymyz dástúrli dúnıetanymymyzǵa saı qashanda árbir istiń astarynan jaqsylyqty nıet etken. Halyq danalyǵy «eki dúnıeń abat, eki toıyń qabat bolsyn» deıdi. Halqymyzdyń jaqsylyq pen jasampazdyqqa negizdelgen tarıhı isteri kóbinese qosarlanyp kelip jatqan tustaryn, árıne, jaqsy yrymǵa balaımyz. Asylynda, bul Joldaýdyń erekshe tustary basym dep aıtýǵa tolyq negiz bar.
Elbasynyń halyqqa arnalǵan Joldaýynyń HHI ǵasyrdaǵy Táýelsizdigimizdiń 21 jyldyq mereıtoıymen, Alashorda úkimetiniń 95 jyldyq mereıtoıymen jáne namysy jyǵylmaǵan qazaq jastarynyń rýhanı jarylysy – Jeltoqsan oqıǵasynyń 26 jyldyǵymen tuspa-tus kelýi Elbasyn ór namysty alashordashylar men azat rýhty jeltoqsanshylar rýhy jebegendeı.
Elbasymyzdyń osy Joldaýynda myna jaıttar aıqyndaldy, olar: tuńǵysh ret memlekettik tildiń damý strategııasy belgilenip, naqty merzimderi aıtyldy, ıaǵnı qazaq ultynyń jarqyn bolashaǵy bar degen sóz; latyn álipbıine kóshý týraly túrli oılardyń qorytyndysy shyǵarylyp, naqty merzimi belgilendi, jahandaný keńistigindegi qazaq eliniń ózindik orny bolady degen sóz; aýyl sharýashylyǵy elimizdiń ekonomıkasyndaǵy basym baǵyttar qataryna endi. Bul aýyldyń kóterilýine, aýyldaǵy jumyssyzdyqty azaıtýǵa, aýyldaǵy halyqtyń ál-aýqatyn arttyrýǵa tikeleı baılanysty. Endi osy strategııalyq maqsattarǵa jetip jatsaq, Qazaq eliniń Azııa kontınentiniń barysyna ǵana emes, jolbarysyna aınalaryna kúmán joq.
Joldaýdaǵy taǵy bir óte mańyzdy másele – Qazaqstandy mekendegen etnostardyń birligi. Elbasy óz Joldaýynda jumsaq qaıyrǵan mańyzdynyń mańyzdysy «ulttyń ishki birligi, tarıhtan sabaq alý kerektigi». Eger 2050 jylǵa deıingi strategııalyq baǵdarlama baıandy bolsyn, nátıjeli bolsyn desek, birinshi kezekte bizge qazirgi qoǵamdaǵy rýlyq, júzdik, taıpalyq sanadan arylý qajet. Ol úshin qysqa merzimde tıisti is-sharalar atqarý qolǵa alynýy kerek. Ol úshin búkil respýblıkalyq aqsaqaldar (ardagerler) keńesin quryp, tıisti jumystar belgilenýi kerek. Bul – óte mańyzdy.
Qazaq eliniń táýelsizdik tarıhynda bul Joldaýdyń aıyryqsha oryn alatyny aqıqat. Al ondaǵy Memleket basshysy mejelegen maqsattarǵa qol jetkizý úshin josparlanǵan tapsyrmany oryndaý jaýapkershiligi eń aldymen memlekettik qyzmetkerlerdiń, atqarýshy organdardyń iskerligine syn. О́ıtkeni, Elbasyǵa júktelgen mindet – joldaý, qarapaıym halyqtyń mindeti – qoldaý, memlekettik qyzmetkerlerdiń mindeti – oryndaý.
Taljan RAIYMBERDIEV,
Ońtústik Qazaqstan oblysy «Memlekettik til» qoǵamdyq qozǵalysynyń tóraǵasy, tehnıka ǵylymdarynyń doktory, professor.
ShYMKENT.
