Qoǵam • 20 Tamyz, 2019

Masyl bolǵannan mamandyq meńgergenim jaqsy – deıdi kóp balaly ana Zaǵıpa Abdýllaeva

17 retkórsetildi

Bel­gili bir kásipti ıgerip, eńbegińniń zeınetin kórseń, tatqan dá­mińniń de tátti bola túsetini bar. Bul úshin árıne, ýaqytsha jumys­­syz júrgen adamdardy baǵyttap, oń jol silteýdiń mańyzy zor.

Shalǵaıdaǵy Astrahan aýda­nynda jumys kózi kóp emes. Halqy sırek qonystanǵan bul ólkede jurt negizinen mal súme­simen kúneltedi. Aýyl sharýa­shy­lyǵymen aınalysatyn serik­testikterde eńbek etip, nápaqasyn taýyp júrgender de az emes. Al kóp balaly otbasylar memleket qamqorlyǵyn kórýde. Atap aıtatyn bolsaq, búgingi tańda aýdanda 200-ge jýyq kóp balaly otbasy ataýly áleýmettik kómekke ıe. Solardyń ishinde óz aldyna mamandyq ıgerip, shaǵyn da bolsa sharýasyn dóńgeletýge umtylyp otyrǵandardy kórgende razy bolasyń. Byltyr kóp balaly eki ana úsh aılyq kýrsty oqyp, kádege jaraıtyn kásip ıgerýde. Bıyl úsh birdeı ana talpynyp otyr.

– Ilgeri umtylǵandardyń biri – Zaǵıpa Abdýllaeva, – deıdi aýdan­dyq jumyspen qamtý orta­ly­ǵynyń dırektory Janar Muha­med­­­janova, – segiz bala tárbıelep otyrǵan ana. Bul otbasy aı sa­ıyn 140 myń teńge kóleminde áleýmettik kómek alyp otyr.

Aldynan jumys úrkip otyratyn ananyń úıdegi sharýasy da shash-etekten. Áıtse de qarap otyrǵannan qareket etken jaqsy. Osy bir oı qysqa merzimdi kýrsqa je­tektep ákelgen. Sóıtip naý­baı­ mamandyǵyn ıgerip shyqty. Narttaı qyzyl, dámi til úıiretin nan pisirý tańsyq jumys emes. Onsyz da segiz balanyń as-sýyn daıyndaýǵa ábden úırengen kóp balaly ana endi as atasymen támam jurtty qamtamasyz etpek.

– Tuńǵyshym 23-te, kenjemiz bir jastan jańa asty, – deıdi Zaǵıpa Abdýllaeva, – joldasym jergilikti sharýashylyqtardyń birinde ot jaǵýshy bolyp jumys isteıdi. Tabysymyz az bolǵan soń, men de bir jaǵynan shyǵysyp, qarap otyrǵansha qarajat tap­qa­nym jaqsy emes pe? Kúz de kelip qaldy. Bilim oshaǵyna baratyn balalardy kıindirýimiz kerek. О́z qoldary óz aýyzdaryna jetkenshe kómektespese bolmaıdy ǵoı.

Ananyń aıtýyna qaraǵanda, ataýly áleýmettik kómek taryqqan jan­dar­dyń qos qoltyǵynan demeı­tin perishtedeı. Qazir olar bar tap­qan­daryn baspana salyp alamyz dep qurylysqa jumsap jatyr eken.

Jetkinshekteriniń erteń-aq azamat atanyp ketetinine kúmán joq. Segiz birdeı perzentin óbek­tep baǵyp otyrǵan ana­la­ry­nyń janyn jaldap naýbaıhanada jumys istegenin kórip ósken bala­lar da ana degenniń qandaı qudi­ret ekenin sanalaryna sińirip óspeı me?!

 

Aqmola oblysy

 

Sońǵy jańalyqtar

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar