«Járdem» Ońtústik jáne Batys Qazaqstannyń 6 oblysynyń 78 shalǵaı stansııasyn qamtıdy. Onyń baǵytyna Jambyl, Túrkistan, Qyzylorda, Aqtóbe, Atyraý jáne Mańǵystaý oblystary kiredi. «Járdem» «Densaýlyq» poıyzy sııaqty elimizdiń shalǵaı aýdandarynda turatyn medısınalyq qyzmetke muqtaj turǵyndarǵa alǵashqy medısınalyq-áleýmettik jáne konsýltasııalyq-dıagnostıkalyq kómek kórsetedi.
«2019 jyldyń sáýir aıynyń sońynda «Samruk-Kazyna Trust» áleýmettik jobalardy damytý qory «QTJ» UK» AQ janyndaǵy Áleýmettik jobalar qorymen birge «Densaýlyq» medısınalyq poıyz jobasyn iske qosty. Osy kúnge deıin dárigerlik brıgadalar 15 000 qazaqstandyqqa medısınalyq kómek kórsetken. Tájirıbe kórsetkendeı mundaı poıyzdar shalǵaı aýdandarda turatyn turǵyndar arasynda úlken suranysqa ıe, sebebi munda kádimgi emxanada kezektiń kóp bolýyna baılanysty qabyldap úlgermeıtin dáriger mamandar bar. Sondyqtan 6 aımaqty aralaıtyn, osyndaı qosymsha medısınalyq poıyzdy iske qosýdy sheshtik», deıdi «Samruk-Kazyna Trust» Qorynyń resmı ókili Irgebaev Mıras.
Medısınalyq brıgada quramynda terapevt, pedıatr, gınekolog, xırýrg, LOR, kardıolog, onkolog-mammolog, stomatolog sııaqty mamandar bar.
Medpoıyz medısınalyq kabınetterge saı jabdyqtalǵan, alǵashqy kómek kórsetý men dıagnostıkalyq tekserý jasaýǵa bolatyndaı etip qamtylǵan 8 vagonnan turady. Medısınalyq qurylǵylardyń qataryna EKG, ÝDZ apparaty, otoskopııalyq qurylǵy, gematologııalyq jáne bıoxımııalyq analızator, Merlın ýltrodybystyq skaneri, stomatologııalyq qurylǵylar, flıýrograf, gastrofıbroskop jáne t.b. kiredi.
«Járdem» poıyzy óz jumysyn 2019 jyldyń 24 jeltoqsanynda Almaty qalasynda aıaqtaıdy. Poıyz 10 100 shaqyrymǵa jýyq jol júredi dep josparlanǵan.
«Medısınalyq poıyz» jobasy 2010 jyldan bastap júzege asyrylyp keledi jáne osy ýaqyt aralyǵynda shalǵaı eldi mekenderde turatyn adamdar úshin jyl saıyn asyǵa kútetin joba boldy. Osylaısha, medısınalyq poıyz mamandaryna qaralý keıbir adamdar úshin kúrdeli aýrýlardy anyqtaýdyń sebebi bolýy múmkin.
