Ol sheteldik əriptesterimen kezdesti jəne əskerı yntymaqtastyq məselelerin talqylap, qazaqstandyq tankishilerdiń atynan Qazaqstan QK quramasyn ArHO-da joǵary deńgeıde óner kórsetýlerimen quttyqtady. Uıymdastyrýshylar, sarapshylar jəne qatysýshylar mereıtoılyq oıyndy aýqymdy dep moıyndady.
– Bıylǵy dalalyq, teńiz jəne əýe mashyǵynan ótken 32 baıqaýda 39 elden 223 komanda baq synasty. Bul – rekordtyq kórsetkish. Odan basqa, baıqaýlar bir ýaqytta 10 eldiń 21 polıgonynda, Kaspıı jəne Baltyq teńizderiniń sý aıdyndarynda jəne Parsy shyǵanaǵynda ótti. Armııa oıyndarynyń úsh baıqaýy Qazaqstanda ótti. Əskerı saıystyń jankúıerleri men barlyq nıet bildirgender baıqaýlardyń barysyn, jabylý, marapattaý jəne ashylý rəsimderin shynaıy ýaqyt rejiminde baqylap otyrdy. Onlaın translıasııa birden birneshe ınternet alańshalarda, sondaı-aq qazaqstandyq sport telearnasynyń efırinde kórsetildi. Eki apta boıy armııa oıyndary alańynda kórermender kóp bolyp, əskerı kəsipqoılardyń halyqaralyq deńgeıde úzdik dep atanýlary úshin saıysqa túskenderin tamashalady, – dep málimdedi mınıstrlik basshylyǵy.
Qazaqstan quramasy birinshi kezeńnen-aq barlyq baıqaýlarda kóshbasshylar úshtiginen kórinip, sol jetistikti sheshýshi kezeńge deıin ustap turdy. Bul rette jeke esepte əskerı qyzmetshilerimiz birneshe ret úzdik nətıjeler kórsetti.
Sonymen qazaqstandyq Sý-25 ekıpajy «shabýyldaý avıasııasy» nomınasııasynda birinshi oryndy ıelendi. Əskerı dərigerler jeke sheberlikte úzdik nətıjeni, sondaı-aq «Əskerı-medısınalyq estafeta» baıqaýy aıasynda shuǵyl reanımasııada joǵary kəsibıligin kórsetti. «Chempıondar jarysynda» əskerı polısııa kınology óziniń qyzmettik ıtimen «Adal dos» baıqaýynyń eń joǵary reıtıngtik komandalar arasynda birinshi oryndy ıelendi. «Artıllerııalyq oq atý sheberleri» baıqaýynda jeke esepte qazaqstandyq komanda úzdik mınaatqysh eseptop jáne úzdik granataatqysh ataǵyn jeńip aldy. Əskerı baılanysshylar arasynda ótken «senimdi qabyldaý» baıqaýynda əskerı qyzmetshilerimizdi tóreshiler alqasy estý jáne radıobaǵdarlaý aıla-təsilinde úzdik dep tanydy. «Dalalyq as úı» azyq-túlik qyzmetteriniń baıqaýynda aspazdarymyz ulttyq taǵamdar əzirleýde tańdaı qaqtyrdy. Odan basqa, úzdik dene daıyndyǵyn kórsetip, qatysýshy elder arasynda birinshi oryndy enshiledi.
Armııalyq oıyndardyń «Aravt» jańa at marafony baıqaýynda Qazaqstannyń taýly-egerlik polki Mońǵolııanyń komandasynan jeńilis tapsa da, kedergileri bar 130 km qashyqtyqtaǵy estafetada jyldamdyq pen sheberlikti pash etti. Atys qarýyn jóndeýde de əskerı qyzmetshilerimiz kóshbasshylar qatarynda. Qazaqstannyń komandasy «Qarý sheberi» baıqaýynda úshinshi oryndy qanjyǵasyna baılady. «Tank bıatlony» eń kóztartar baıqaýynyń sheshýshi kezeńin qazaqstandyq komanda Reseılik tarap usynǵan tankterde úshinshi bolyp júldegerler úshtigine iligip, oıyndy aıaqtady. ArHO-2018 tank saıysynda qazaqstandyq tankishiler Reseı, Qytaı jáne Belarýs komandalarynan jeńilip, qurmetti tórtinshi orynǵa ıe bolǵanyn aıta ketken jón.
Esterińizge sala ketsek, qazaqstandyq komandany halyqaralyq armııa oıyndarynyń uıymdastyrýshylary baıqaýǵa qatysý sany boıynsha eń kórneki dep moıyndady. Tóreshiler alqasynyń músheleri oıyn barysyn baqylap, Qazaqstan əskerı qyzmetshileriniń joǵary daıyndyq deńgeılerin, qəsipqoılyqtary men jaýyngerlik mashyqtaryn atap ótti.
