Aımaqtar • 21 Tamyz, 2019

Almatyda «Bıýdjetke qatysý» jobasyna ótinishter qabyldanýda

20 retkórsetildi

«Bıýdjetke qatysý» qanatqaqty jobasyna ótinishterdi qabyldaý OpenAlmaty portaly arqyly 19 tamyzdan bastap iske qosyldy.  О́tinishterdi qabyldaý merzimi 1 qyrkúıekke deıin jalǵasady. Jobalardy qabyldaý merzimi aıaqtalǵannan keıin saraptaý komıssııasy iriktep, 20-29 qyrkúıek aralyǵynda turǵyndardyń daýys berýi ótedi, onda jeńimpaz jobalar anyqtalady. Jobaǵa usynystardy berý tártibi men irikteý krıterııleri, saraptaý komıssııalarynyń fýnksııalary týraly tolyq aqparatty OpenAlmaty qalalyq portalynda «2019-2020 jyldarǵa arnalǵan Almaty qalasynyń «Bıýdjetke qatysý»  qanatqaqty jobasyn uıymdastyrý bóliminen qarap, tanysýǵa bolady.

Qalanyń Baspasóz qyzmetinen habarlaǵanyndaı, 2019-2020 jyldarǵa arnalǵan «Bıýdjetke qatysý» qanatqaqty jobasy aıasynda aýlalardy abattandyryp, saıabaqtar men skverlerdi qurýǵa, sport alańdaryn jasap, kóshelerge jaryq ornatýǵa, budan ózge qalalyq ortany jaqsartyp, megapolıs turǵyndarynyń ómir súrý ortasyn jaqsartý sııaqty ıdeıalardy bıýdjet qarajaty esebinen júzege asyrýǵa bolady.

Jobaǵa sáıkes Almatynyń segiz aýdanyna qala bıýdjetinen 500 mln teńge bólý qarastyrylǵan. Qalalyq ákimdiktiń OpenAlmaty budget.open-almaty.kz (web-nusqasy qoljetimdi, mobıldi nusqasy daıyndalýda) qoǵamdyq qabyldaý portaly arqyly qala turǵyndary ashyq túrde ózderiniń usynystary men jobalaryn engizýge múmkindikteri bar.

Úzdikterdi qala turǵyndardyń ózderi daýys berý arqyly anyqtaıdy. Sonymen qatar qalalyq Qoǵamdyq keńesiniń músheleri, sarapshylar, máslıhat depýtattary, ÚEU ókilderi de jobaǵa óz baǵasyn beredi.

Jobaǵa usynysylǵan ótinishter bir avtor - bir ótinim - bir nysan aryqyl qabyldanady jáne nysannyń ıgiligi jalpyǵa ortaq bolýy, nysannyń josparly aýdan aýmaǵynda bolýy, jalpy paıdalanýdaǵy jer ýchaskesinde jáne t.b. ornalasýy tıis.

Qalanyń Baspasóz qyzmetiniń málimeti boıynsha, bıýdjetke qatysý nemese partısıpatıvtik bıýdjet – bul azamattardyń qatysýymen ázirlengen jergilikti bıýdjet. Qala turǵyndary bıýdjettik úderistiń barlyq satylarynda - josparlaý, talqylaý jáne monıtorıng sııaqty basym máseleler boıynsha qarjylyq sheshimderdi qaraýǵa jáne qabyldaýǵa úles qosady.

Alǵash ret partısıpatıvti bıýdjet 1988 jyly Brazılııadaǵy Port-Alegrı qalasynda engizildi. Azamattar qalalyq bıýdjetti bólýge qatysty. Partısıpatıvtik bıýdjet Port-Alegrı qalasyna ınfraqurylym, kólik, densaýlyq saqtaý, bilim berý jáne turǵyn úı jaǵdaılary bóliginde ómir súrý jaǵdaıyn jaqsartýǵa kómektesti. BUU bul prosesti «oń tájirıbe» úlgisi retinde tanydy. Dúnıejúzilik bank partısıpatıvti bıýdjetti qalalyqtardyń ómir súrý sapasyn jaqsartý boıynsha quraldar jıyntyǵyna qosty.

Búginde partısıpatıvti bıýdjet Nur-Sultan, Parıj, London, Seýl, Máskeý, Kıev, Leıpsıg jáne Osh qalasynda qoldanylady.

Almatydaǵy bıýdjetke qatysý maqsaty - qala turǵyndarynyń usynystary men bastamalary negizinde megapolıs aýdandarynyń aýmaqtaryn damytý jáne abattandyrý. Joba usynysynyń avtory Qazaqstan Respýblıkasynyń azamaty, oralman, el aýmaǵynda turaqty turatyn sheteldik jáne azamattyǵy joq adam bola alady.

Jobalyq usynystar budget.open-almaty.kz portaly arqyly beriledi. Ol úshin ótinimdi toltyrý qajet (jobalyq usynystyń ataýyn, onyń sıpattamasyn, obektiniń mekenjaıyn kórsetý), jobalyq usynystyń eskızi men smetasyn mindetti túrde qosa tirkeý qajet (shamamen alynǵan bolýy múmkin). Sondaı-aq, qalaýyńyz boıynsha aǵymdaǵy jaǵdaıynyń fotosýretterin jáne prezentasııalardy qosa alasyz.

Bir jobanyń eń joǵarǵy quny 100 mln teńgeden aspaýy tıis. Iske asyrýǵa ruqsat berý úshin joba Almaty turǵyndarynyń 10-nan astam daýysyn jınaýy tıis. Qalanyń bir turǵyny jeke ESQ paıdalana otyryp, úsh jobalyq usynysqa daýys berýge quqyly.

Mynadaı jobalyq usynystar  qurylys-montaj jumystaryn júrgizbeı JSQ ázirleýge ǵana eseptelgen; fragmentti (bolashaqta qosymsha elementterdi iske asyrýdy talap etetin); Almaty qalasyn damytý baǵdarlamasyna jáne QR zańnamasyna sáıkes kelmeıtin;kommersııalyq sıpattaǵy jáne t. b. qaraýǵa qabyldanbaıdy.

Aýdandyq ákimdikterdiń saraptaý komıssııalary jobalardyń Tártip talaptaryna, QR zańnamasynyń talaptaryna, Almatynyń damý baǵdarlamasyna sáıkestigine irikteýdi júzege asyrady, sondaı-aq qanatqaqty jobanyń iske asyrylý qorytyndysyn qaraıdy.

Aýdandyq ákimdiktiń saraptaý komıssııasynyń derbes quramyn aýdan ákimi qalyptastyrady jáne bekitedi.

Saraptama komıssııasynyń quramyna keminde eki máslıhat depýtaty, aýdandyq sáýletshi, qurylys salasyndaǵy maman, qurylys jobalary boıynsha shyǵyndar smetasyn jasaý boıynsha jumys tájirıbesi bar maman, Almaty qalasy Qoǵamdyq keńesiniń keminde tórt ókili, qoǵamdyq uıymdardyń keminde tórt ókili kiredi.

ALMATY

Sońǵy jańalyqtar

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Aqırekte – Arystan bab...

Tanym • Búgin, 05:38

Kıeli kitaptar: tyıymdar ne úshin jasalady?

Rýhanııat • Búgin, 05:34

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar