Kezdesý barysynda Halyqaralyq Túrki Akademııasy men О́zbekstan Respýblıkasy arasyndaǵy áriptestik baılanystardy nyǵaıtý joldary qaraldy. Darhan Qydyráli óz sózinde Akademııanyń О́zbek elinde arheologııalyq ekspedısııalar uıymdastyryp, ony júzege asyrýǵa daıyn ekendigin jetkizdi. Al Saıdıkram Nııazhodjaev óz kezeginde Akademııa basyp shyǵarǵan Álisher Naýaıdiń shyǵarmalar jınaǵyna óte joǵary baǵa berip, erekshe alǵysyn bildirdi.
О́zbekstannyń Qazaqstandaǵy elshisi aldaǵy ýaqytta búkil túrki dúnıesine ortaq Ábý Nasyr ál-Farabı, Ahmet Iаssaýı, Júsip Balasaǵun sııaqty tulǵalardyń mol murasyn birigip zertteý qajet degen oı aıtty. Jáne bul iste elshilik tarapynan qoldaý bolatynyn jetkizdi. Kezdesý sońynda Saıdıkram Nııazhodjaev Akademııanyń kitaphanasyna Álisher Naýaıdiń ózbek tilinde jaryq kórgen jyr jınaǵyn syıǵa tartty.
