«Partııa óz aldyna 30 damyǵan eldiń qataryna kiremiz dep maqsat qoıdyq. Ol róldi oryndamasaq, bizdiń ornymyzǵa basqa partııa keledi. Barlyq baǵdarlamalardy sol múddeni iske asyrý úshin jasap jatyrmyz. Partııa naqty jumys istep, naqty sheshimder shyǵarý kerek. Sol kezde partııanyń el arasynda bedeli asady» dedi N. Nazarbaev.
Elbasy elimiz damyǵan elder qataryna qosylýy úshin qajetti úsh shartty atap ótti.
«Alǵashqy, qoǵamda kelisim men tatýlyq bolýy kerek. Ekinshiden, halyq suranysyna jaýap bere alatyn kóshbasshy men partııa kerek. Sondaı-aq jalpy strategııalyq kýrstyń sabaqtastyǵy men birizdiligi óte mańyzdy» dedi partııa Tóraǵasy.
Sondaı-aq Elbasy saılaýaldy baǵdarlamada aıtylǵan ýádelerdi oryndaýdyń mańyzdylyǵyn, baqylaýdy kúsheıtý men naqty máselelerdi Úkimetke baıandaý kerek ekendigin jáne jergilikti basqarýshy organdarmen tyǵyz jumys atqarý kerektigin atap ótti.
Eske salsaq, búgin elordada Elbasy, partııa Tóraǵasy Nursultan Nazarbaevtyń qatysýymen Nur Otan partııasy Saıası keńesiniń keńeıtilgen otyrysy ótip jatyr.
