Saıasat • 21 Tamyz, 2019

Darhan Qydyráli Nur Otan partııasy Saıası keńesi bıýrosynyń quramyna saılandy

509 retkórsetildi

Elbasy Nursultan Nazarbaevtyń tóraǵalyǵymen ótken Nur Otan partııasy Saıası keńesiniń keńeıtilgen otyrysynda partııanyń Saıası keńes bıýrosyna múshelikke «Egemen Qazaqstan» RG» AQ Basqarma tóraǵasy Darhan Qydyráli men Jas Otan Jastar qanatynyń tóraǵasy Dáýlet Káribek usynyldy.

«Buryn aıtqanymdaı, halyqqa barynsha jaqyn bolý kerek. Sheneýnikke tán sıpattan arylǵan jón. Sol sebepti, jastarǵa qoldaý bildirip, ásirese, aýyl jastaryn qolpashtap, ıntellıgensııamen turaqty dıalogty jolǵa qoıǵan abzal. Sol sebepti, Saıası keńes Bıýrosynyń quramyna ózgeris engizý usynylyp otyr. Máýlen Saǵathanuly Áshimbaev memlekettik qyzmetke ótti. Oǵan sáttilik tilep qoıalyq. Baqyt Turlyhanuly Sultanov memlekettik qyzmetke baryp, mınıstr atandy. Oǵan da rahmet!», - dedi Nursultan Nazarbaev.

Elbasy sózin jalǵastyra kele, Bıýro quramynan shyǵyp qalǵan múshelerdiń ornyna «Egemen Qazaqstan» respýblıkalyq gazeti» AQ Basqarma tóraǵasy Darhan Qýandyquly Qydyrálini engizýdi usyndy.

«Ol kópke belgili. Gazetti kóterdi. Bizdiń ıntellıgensııamen baılanysy myqty. Sonymen birge, Jas Otan Jastar qanatynyń lıderi Dáýlet Káribekti usynamyn. Jastardyń atynan sol sóılesin», - dedi Elbasy.

Eske salsaq, búgin elordada Elbasy, partııa Tóraǵasy Nursultan Nazarbaevtyń qatysýymen Nur Otan partııasy Saıası keńesiniń keńeıtilgen otyrysy ótti.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar