Atap ótken jón, Ábsattar Derbisáli - Japonııanyń marapatyn alǵan altynshy qazaqstandyq.
Ábsattar Derbisáli Qazaqstandaǵy japon tiliniń damýyna jáne eki el arasyndaǵy qarym-qatynastyń nyǵaıýyna qosqan úlesi úshin marapattaldy.
«Búgin Japonııa ımperatorynyń «Kúnshyǵys. Altyn shýaq» ordenin Ábsattar Derbisálige tabystaımyn. Japonııa men óz eliniń arasyndaǵy qarym-qatynasty damytýǵa úles qosqany úshin bul ordenmen sheteldik azamattar marapattalady. Ábsattar Derbisáli Qazaqstanda japon tilin úırenýge úles qosqany úshin alǵysymyzdy bildiremiz. Buǵan deıin Qazaqstanda bul orden 5 adamǵa tabystalǵan», - dedi Japonııanyń tótenshe jáne ókiletti elshisi.
2008 jyly Tuńǵysh Prezıdent - Elbasy Nursultan Nazarbaev «Úlken lentadaǵy Hrızantema ordenimen» marapattaldy. 2006 jyly Qazaqstandaǵy japon tutqyndardyń zıratyn izdeýmen aınalysqan tarıhshy Asqanbek Aldanazarov, 2017 jyly «Nevada-Semeı» halyqaralyq ıadrolyq qarýǵa qarsy qozǵalystyń prezıdenti Oljas Súleımenov, Parlament Májilisiniń depýtaty Nurlan Dýlatbekov jáne Astana Medısına ýnıversıteti Dırektorlar keńesiniń tóraǵasy Tólebaı Rahypbek «Kúnshyǵys, Altyn shýaq ordenimen» marapattalǵan.
