Taǵaıyndaý • 22 Tamyz, 2019

Orman sharýashylyǵy jáne janýarlar dúnıesi komıtetiniń tóraǵasy taǵaıyndaldy

139 retkórsetildi

Qazaqstan Respýblıkasynyń ekologııa, geologııa jáne tabıǵı resýrstar mınıstriniń buıryǵymen Ashat Qanatuly Qaınarbekov QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıtetiniń tóraǵasy qyzmetine taǵaıyndaldy. Bul týraly primeminister.kz habarlady.

Ashat Qaınarbekov 1975 jyly 23 aqpanda Almaty oblysy Sarqan aýdany Kókózek aýylynda dúnıege kelgen. 1997 jyly Abaı atyndaǵy Almaty memlekettik ýnıversıtetin «quqyqtaný» mamandyǵy boıynsha, 2003 jyly T. Rysqulov atyndaǵy Qazaq ekonomıkalyq ýnıversıtetin «ekonomıka» mamandyǵy boıynsha támamdaǵan. 2006 jyly M. V. Lomonosov atyndaǵy Máskeý memlekettik ýnıversıtetinde iskerlik ákimshilik sheberi dárejesin alǵan. 2009 jyly Garvard bıznes mektebin aıaqtaǵan. 2016 jyly Kolýmbııa ýnıversıtetinen ekonomıka boıynsha memlekettik basqarý magıstri dárejesin alǵan.

Eńbek jolyn 1998 jyly Qazaqstan Respýblıkasy Syrtqy ister mınıstrligi Ekinshi departamentiniń mamany bolyp bastaǵan.

Túrli jyldary Syrtqy ister mınıstrliginde referent, attashe, úshinshi hatshy, ekinshi hatshynyń mindetin atqarýshy laýazymdaryn atqarǵan, sondaı-aq, kommersııalyq sektorda eńbek etken.

2001 jyldyń qyrkúıeginde Almaty oblysy Talǵar aýdany ákiminiń orynbasary qyzmetine taǵaıyndaldy.

2010 jyldyń sáýir aıynan bastap 2018 jyldyń qańtar aıyna deıin Aqmola oblysy ákiminiń orynbasary qyzmetin atqardy.

2018 jyldyń qańtar aıynan bastap qazirgi tańǵa deıin Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetin atqardy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar