Keshendi testileýge qatysý úshin 30 579 ótinish qabyldanyp, testileýge 28 131 adam qatysty, bul ótinish bergen túsýshilerdiń jalpy sanynyń 92%-yn quraıdy.
KT ótkizý úshin aımaqtarǵa QR Bilim jáne ǵylym mınıstrliginiń ókilderi jiberilip, Respýblıkalyq apellıasııalyq komıssııa jáne jergilikti jerlerde apellıasııalyq komıssııa quryldy. Sonymen qatar medısınalyq kómek kórsetý pýnktteri uıymdastyrylyp, testileý barysynda qaýipsizdik qamtamasyz etildi. Sondaı-aq baqylaýshylar retinde sybaılas jemqorlyqqa qarsy is-qımyl agenttiginiń qyzmetkerleri men Arnaıy monıtorıngtik toptar tartyldy.
«1021 testilenýshi KT ótkizý erejelerin buzǵany úshin aýdıtorııadan shyǵarylyp, olardyń nátıjeleri joıyldy», - dedi QR Ulttyq testileý ortalyǵy dırektorynyń m.a Dıdar Smaǵulov.
KT kezinde 217 aýdıtorııa paıdalanyldy. Barlyq aýdıtorııalar uıaly baılanys quraldarynyń sıgnaldaryn basý jáne beınebaqylaý qurylǵylarymen qamtamasyz etildi.
Oqytý qazaq nemese orys tilinde júrgiziletin magıstratýraǵa memlekettik bilim berý grantyn taǵaıyndaý konkýrsyna qatysý úshin shekti ball keminde 75 baldy, aqyly negizde qabyldaý úshin - keminde 50 baldy quraıdy. Bólimder boıynsha: shet tili boıynsha - keminde 25 ball, oqýǵa daıyndyǵyn anyqtaýǵa arnalǵan testileýden - keminde 7 ball, ár beıindi pánnen - keminde 7 ball.
Oqytý aǵylshyn tilinde júrgiziletin magıstratýraǵa memlekettik bilim berý grantyn taǵaıyndaý konkýrsyna qatysý úshin shekti ball keminde 50 ball, aqyly negizde qabyldaý úshin – keminde 25 ball. Bólimder boıynsha: oqýǵa daıyndyǵyn anyqtaýǵa arnalǵan test boıynsha – keminde 7 ball, ár beıindi pánnen - keminde 7 ball.
KT nátıjesi boıynsha 12 853 úmitker nemese testileýge qatysýshylardyń 45,7%-y memlekettik bilim berý granty konkýrsyna qatysýǵa múmkindik aldy.
KT-ǵa erekshe bilim berý qajettiligi bar 3 adam qatysty, olar úshin jeke aýdıtorııalar, jeke kómekshiler, sondaı-aq sýrdoaýdarmashylar usynyldy. Ǵımaratqa kirgizý kezinde 25 bógde tulǵa anyqtaldy jáne olar testileýge jiberilmedi. Sonymen qatar 1021 testilenýshi KT ótkizý erejelerin buzǵany úshin aýdıtorııadan shyǵarylyp, olardyń nátıjeleri joıyldy. Kirgizý jáne testileý barysynda 20497 smartfon men elektrondyq qurylǵylar, 498 shpargalka, 373 kalkýlıator jáne basqa da tyıym salynǵan zattar tárkilendi. Apellıasııaǵa barlyǵy 1642 ótinish qabyldandy, onyń ishinde test tapsyrmalarynyń mazmuny boıynsha – 1580, tehnıkalyq sebepter boıynsha - 62. Onyń ishinde, 346 ótinish qanaǵattandyryldy, 1296-y- qaǵanattandyrylmady.
