Otyrysty ashqan Memlekettik hatshy Marat Tájın Baǵdarlamanyń barlyq baǵyttary boıynsha aýqymdy jumys júrgizilgenin atap ótti.
Qazaq tili álipbıin latyn grafıkasyna kóshirý jumystary Úkimettiń kezeńdik is-sharalar josparyna sáıkes jalǵasýda. Orfografııalyq, Ádistemelik, Termınologııalyq jáne Aqparattyq jumys jónindegi 4 top jumys isteıdi.
«Jańa gýmanıtarlyq bilim» jobasy boıynsha Cambridge University Press, Oxford University Press jáne basqa da iri halyqaralyq baspalarmen yntymaqtasa otyryp, fılosofııa, saıasattaný, dúnıe júziniń tarıhy, ekonomıka, ádebıet teorııasy, halyqaralyq quqyq, orıentalıstıka, pedagogıka jáne basqa da ǵylymdar boıynsha 48 oqýlyq qazaq tiline aýdarylyp, shyǵaryldy. Bul jumysqa joǵary oqý oryndarynyń bilikti oqytýshylarynan, redaktorlardan, aýdarmashylar men lıngvısterden quralǵan 300-den asa maman qatysty. Oqýlyqtar elimizdiń 113 joǵary oqý ornyna jetkizildi jáne oqytýshylar men stýdentterdiń joǵary baǵasyna ıe bolýda. Olardyń elektrondyq nusqalary erkin oqý úshin «Qazaqstannyń ashyq ýnıversıteti» portalynda ornalastyryldy.
«Týǵan jer» jobasy boıynsha 10 myńnan asa mesenattyń qatysýymen 1800 mádenıet, bilim, sport nysany jańadan salynyp, 1,5 myń nysan qaıta qalypqa keltirildi.
«Jahandyq álemdegi zamanaýı qazaqstandyq mádenıet» jobasy boıynsha tarıhymyzda tuńǵysh ret Qazaqstandyq poezııa men proza antologııasy BUU-nyń 6 tiline aýdarylyp, jaryqqa shyǵaryldy, onyń halyqaralyq tanystyrylymy qyrkúıek aıynda bastalady.
«Qazaqstannyń kıeli geografııasy» jobasy boıynsha 28 tarıhı nysan qaıta qalypqa keltirilip, aýqymdy ǵylymı-zertteý jumysy júrgizildi. «Otyrar» jáne «Tamǵaly» vızıt ortalyqtarynyń qurylysy aıaqtalýda. Tarıhı-mádenı mura nysandaryn qorǵaý jáne paıdalaný týraly zańnamalar jetildirilýde. BBC World News, «Euronews» telearnalarymen yntymaqtastyqta Qazaqstannyń kıeli nysandary týraly derekti fılmder sıkli túsirildi.
Qazaqstandyq qoǵamdyq damý ınstıtýty jáne óńirlerde jobalyq ofıster quryldy.
Mádenıet jáne sport mınıstrligi tarapynan mádenıet salasyndaǵy mesenattyqty yntalandyrý jónindegi usynystar daıyndaldy. Bilim jáne ǵylym mınıstrligi volonterlik qyzmeti úshin stýdentterdi materıaldyq yntalandyrýdyń tetikterin ázirledi.
4-6 qyrkúıekte Qazaqstan elordasynda Azııa qalamgerleriniń birinshi forýmy ótedi, oǵan qyryqqa jýyq eldiń tanymal aqyn-jazýshylary qatysady.
Tamyz aıynyń sońynda «Mýzeıdegi tún» jobasy iske qosylady, onda qazaqstandyqtar ár aıdyń tórtinshi senbisinde saǵat 21-den 3-ke deıin eldi mekendegi mýzeılerdiń birin tegin aralaı alady.
Jańa televızııalyq maýsymda respýblıkalyq efırge mádenıettanýshylyq sıpattaǵy radıo jáne televızııalyq baǵdarlamalar sıkli efırge shyǵady. Halyqty latyn grafıkasyndaǵy jańa álipbıge oqytýǵa baǵyttalǵan beınerolıkter men beıneleksııalar telearnalar efırlerine shyǵarylady, sondaı-aq ınternetke ornalastyrylady. Klassıkalyq mýzykany baǵalaýshylardyń súıiktisine aınalǵan «Klassık» radıosynyń taratý aýmaǵyn keńeıtý josparlanýda.
2020 jyl Volonterler jyly dep jarııalandy. Osyǵan baılanysty Memlekettik hatshy Marat Tájın memlekettik organdarǵa stýdentterdiń qoǵamdyq paıdaly qyzmetine qoldaý kórsetý sharalaryn qabyldaýdy jedeldetýdi tapsyrdy.
Otyrysta Prezıdent Ákimshiligi Basshysynyń orynbasary Málik Myrzalın, Aqparat jáne qoǵamdyq damý mınıstri Dáýren Abaev, Mádenıet jáne sport mınıstri Aqtoty Raıymqulova, Bilim jáne ǵylym vıse-mınıstri Fatıma Jaqypova sóz sóıledi.
