Aımaq basshysy Qumar Aqsaqalov jarylystan zardap shekken jurtshylyqqa baryp, qaıyrymdylyq sharalary jalǵasatynyn málimdegen-di. Ile-shala qurylysshylar Túrkistan oblysyna attanyp, «Ońtústik» shaǵyn aýdanyn qalpyna keltirýge belsene kiristi. Bul aýmaqta 371 úı ornalassa, 198-i zaqymdanǵan. Oblys ákiminiń orynbasary Anton Fedıaev jetekshilik etken shtab quramyna qurylys, memlekettik sáýlet-qurylys baqylaý, tótenshe jaǵdaılar, taǵy basqa departamentter men basqarmalardyń ókilderi enip, jergilikti jaǵdaımen jete tanysqan soń tapsyrmalardy der kezinde ári sapaly oryndaýdyń is-qımyl josparyn túzdi. Bul boıynsha júktelgen mindetter tolyǵymen atqaryldy.
Qurylys basqarmasy basshysynyń orynbasary Qaırat Mustafın keltirgen málimetter boıynsha qazynadan bólingen jáne qaıyrymdylyq qorynan jınalǵan qarajatqa úılerdiń shatyrlary jóndelip, terezeler men qasbetter aýystyrylǵan. Kóp balaly otbasylar men az qamtylǵan jandarǵa, múgedekterge birinshi kezekte kómek kórsetilgen. Budan bólek qosymsha 20 baspanany qalpyna keltirý jumystaryn óz mindetterine alyp, ony da tolyǵymen atqaryp shyqqan. Sóıtip teriskeıdiń qurysh qoldy qurylysshylary mańyzdy ýchaskelerde ýaqytpen sanaspaı eńbek etip, turǵyndardyń alǵysyna bólendi.
Qyzyljar aýdanyna qarasty «Solnechnyı» saýyqtyrý lagerinde 48 arystyq bala bir aı boıy alańsyz dem alyp, úılerine sergek kóńilmen oraldy.
Soltústik Qazaqstan oblysy
