- Búginde QazTransOılda 32 jasqa deıingi 1213 jas maman jumys isteıdi. Kompanııa jastarǵa úlken úmit artady. Olardy qoldaý maqsatynda arnaıy Jol kartasy ázirlendi. Keshendi qujatta jastardyń kásibı damýy, ınnovasııalar jáne tehnologııalar, qaýipsizdik mádenıeti, patrıottyq tárbıe, salaýatty ómir saltyn nasıhattaý, qaıyrymdylyq, stýdentterdi qoldaý sııaqty jastardyń damýyna yqpal etetin basym baǵyttar qarastyrylǵan. Búginde kompanııada kadrlyq rezerv saıasatyn jetildirý josparlanyp otyr. Kadrlyq rezervke qabyldaý boıynsha jasqa shekteý qoıylmaıdy, degenmen tańdaý kezinde bolashaǵy zor jas mamandarǵa basymdylyq beriledi, dedi bas dırektor Dımash Dosanov.
Aıta ketý kerek, Jastar jylyna oraı «QazTransOıl» AQ 5 jylǵa eseptelgen aýqymdy jobany bastap ketti. Elimiz boıynsha jaz boıy 400-den astam kolledj jáne joǵary oqý oryndarynyń stýdentteri óndiristik tájirıbeden ótýde. Kásibı turǵydan damýǵa múmkindik alǵan kolledj oqýshylaryna kompanııa 70-80 myń, al ýnıversıtet stýdentterine 100-120 myń teńge kóleminde shákirtaqy tóleýde. Bul da jastarǵa jasalǵan qamqorlyq.
Konferensııa aıasynda «QazTransOıl» AQ bas dırektorynyń orynbasary Oral Idyrysov, «Samruq-Qazyna» AQ transformasııa jobalary portfelin basqarý departamentiniń dırektory Madııar Sultanbek, «QazTransOıl» AQ paıdalaný departamentiniń jetekshi ınjeneri, jas mamandar keńesiniń tóraǵasy Danııar Smaǵulov, «Samruq-Qazyna» AQ Korporatıvti ýnıversıtetiniń atqarýshy dırektory Dáýren Bespalınov, «Jas О́rken» baǵdarlamasynyń túlegi, «Samruq–Qazyna» Korporatıvti ýnıversıtetiniń saraptama jáne robotızasııa ortalyǵynyń sarapshy – menedjeri Ádil Ábdihanov jas mamandarmen sarapshy retinde óz pikirlerimen bólisti.
- Bıyl munaıly ólkede ótip jatyrǵan forýmnyń maqsaty – ozyq oıly, myqty jas mamandar býynyn qalyptastyrý. Olardyń tyń ıdeıalaryn bir arnaǵa toǵystyryp, jańa bastamalaryna qoldaý bildirý – óte mańyzdy. Bizdiń bolashaǵymyz – jastar. Kompanııa olarǵa úlken úmit artady, deıdi kompanııa bas dırektorynyń orynbasary Oral Idyrysov.
Forým aıasynda ótken ǵylymı-praktıkalyq konferensııada jas rasıonalızatorlar munaı qubyrlarynyń ishki betiniń korrozııa prosessterin zertteý, tómen temperatýra jaǵdaıynda munaı tasymalynyń tıimdi tásilderi, taǵy da basqa ǵylymı jobalyry týraly aıtyp berdi.
Atyraýlyq Nurjan Qonarbaev munaı qubyrlaryn dıagnostıkalaýdy kompıýterlik baǵdarlamalaý boıynsha óz jobasyn usyndy. Mańǵystaý munaı qubyry basqarmasynyń baqylaý ólsheý aspaptary jáne avtomatıka mamany Syrym Ábdijamal munaı qubyrlaryn tazartý qurylǵylaryna onlaın tártibinde talshyqty-optıkalyq baılanys jelisi arqyly monıtorıng jasaý jobasyn basshylyq nazaryna usyndy.
Jalpy ǵylymı konferensııa jańa ıdeıalar az bolǵan joq. Konferensııa jumysyna qatysqan «QazTransOıl» AQ bas dırektorynyń orynbasary Alen Tańatarov óndiris úshin tehnologııalyq jáne ekonomıkalyq turǵydan tıimdi jobalarǵa kompanııa qoldaý bildirýge daıyn ekendigin atady. Tehnıkalyq saıasat departamentiniń basshysy Berik Saıahov jastardyń tyń ıdeıalaryna joǵary baǵa berdi.
Forýmda jastar «Kópshilik aldynda sóıleý máneri», «Time management», «Uqypty óndiris» taqyryby boıynsha trenıngterge qatysty. Budan ózge «Kompanııa bolashaǵyn qalaı kóremin» taqyrybynda esse jazýdan jarys ótip, jeńimpazdarǵa qurmet gramotalary tabystaldy. Olar: Mańǵystaý munaı qubyry basqarmasynyń «Beıneý» jelilik óndiristik – dıspetcherlik stansııasynyń jelilik munaıqubyrshysy Tólegen Qylyshbaev, batys operatorlyq qyzmetter basqarmasy josparlaý-ekonomıkalyq qyzmeti bastyǵynyń orynbasary Oljas Sypataev, tarıfterdi retteý departamentiniń menedjeri Dáýlen Qabdýshev, Qulsary munaı qubyry basqarmasy «Qosshaǵyl» óndiristik - dıspetcherlik stansııasynyń ınjener – hımıgi Gúlshat Muqanova, Jezqazǵan munaı qubyry basqarmasy magıstraldy qubyrlardy paıdalaný qyzmetiniń dıagnostıka jónindegi ınjeneri Meıirjan Serikov, Qaraǵandy munaı qubyry basqarmasynyń aqparattyq júıelerge qyzmet kórsetý boıynsha ýchaske ınjener – programmısi Juldyz Qýanyshbaeva, Mańǵystaý munaı qubyry basqarmasy magıstraldy qubyry paıdalaný qyzmetiniń ınjeneri Muhtar Rzıev, Mańǵystaý munaı qubyry basqarmasy ortalyq hımııalyq zerthana meńgerýshisi Damılıa Sadaqbaeva, «Magıstraldy sý aǵyzǵysy» JShS «Qıǵash» bas sýsorap stansııasynyń apatty qalpyna keltirý pýnktiniń sheberi Artýr Tilendeev, Jezqazǵan munaı qubyry basqarmasy kadr yzmetiniń basshysy Janat Qazbekov marapattaldy.
«QazTransOıl» AQ jas mamandar forýmyna Aqtóbe, Atyraý, Qaraǵandy, Qulsary, Mańǵystaý, Pavlodar, Shymkent munaı qubyry basqarmalarynan, Shyǵys jáne Batys operatorlyq qyzmetter kórsetý basqarmalarynan, «Ǵylymı-Tehnıkalyq ortalyq» fılıaly, «Magıstraldy sý aǵyzǵysy» JShS – dan - barlyǵy 100 jas maman qatysty.
Mańǵystaý oblysy
