2010-2018 jyldar aralyǵynda 30 joba iske asyryldy, 3 myńnan astam jumys orny quryldy, atalǵan jobalardy iske asyrýǵa salynǵan ınvestısııa kólemi 45 mlrd teńgeni qurady.
Indýstrııalyq baǵdarlamanyń birinshi besjyldyǵy aıasynda, salaǵa tartylǵan ınvestorlar Polsha, Túrkııa, Qytaı jáne Reseı memleketteri. Birinshi besjyldyqtyń qorytyndysy boıynsha farmasevtıka ónerkásibinde 28,8 mlrd teńge somasyna 3000-nan astam turaqty jumys oryndaryn qurýmen 24 jańa joba iske asyryldy.
Salanyń eń mańyzdy jobalary Shymkent qalasynda «Hımfarm» AQ-da óndiristik qýattardy keńeıtý, Almaty qalasynda dári-dármek óndirý jónindegi farmasevtıkalyq fabrıkany jańǵyrtý, Almaty oblysynda «ELEAS» farmasevtıkalyq zaýytyn salý, Almaty oblysynda «Sultan» JShS farmasevtıkalyq zaýytyn salý, Pavlodar oblysynda «Merýsar ı K» JShS ISO 13485-2003 halyqaralyq standartyna sáıkes assortımentti arttyrý arqyly jumys istep turǵan óndiristi keńeıtý bolyp tabylady.
Sonymen qatar ekinshi besjyldyqtyń qorytyndysy boıynsha 16,2 mlrd teńge somasyna 6 joba iske qosylyp, 400-den astam jumys orny ashyldy. Osylaısha, Almaty oblysynda «AbdıIbrahımGlobalFarm» BK JShS farmasevtıkalyq zaýytynyń qurylysy, «Qaraǵandy farmasevtıkalyq kesheni» JShS Qaraǵandy farmasevtıkalyq kesheniniń úshinshi kezeginiń qurylysy, Almatyda bıkarbonattyq kartrıdjder óndirisi iske qosyldy, Shymkent qalasynda «Marai E7group» JShS medısınalyq maqsattaǵy buıymdar shyǵaratyn zaýyttyń qurylysy, Almaty oblysynda qýaty 200 mln tabletka óndiretin «Hımfarm» AQ-da qatty peroraldi formalar óndiretin seh óz jumysyn bastady, Shymkenttegi «Hımfarm» AQ-da ıneksııalyq jáne ınfýzııalyq preparattar óndirý sehynyń bazasynda sterıldi emes eritindiler óndirisi bastaldy.
Osy jobalardyń barlyǵy elimizde buryn óndirilmegen farmasevtıkalyq ónimniń assortımentin keńeıtýge jáne farmasevtıkalyq ónim eksportynyń kólemin 2 esege arttyrýǵa múmkindik berdi.
Sonymen qatar 2018 jyly «Hımfarm» AQ ıneksııalyq jáne ınfýzııalyq preparattar óndirý sehynyń bazasynda sterıldi emes eritindilerdiń jańa óndirisin iske qosty. Jańa jelide dárilik zattardyń nomenklatýrasyn ulǵaıtý múmkindigi bar 7 preparat shyǵarylady. Qýaty jylyna 3 mln bótelke preparattaryn shyǵarýǵa múmkindik beredi.
2019 jyly kompanııa ylǵaldy túıirshikteý ýchaskesin iske qosýdy jáne zerthanalardy GMP standartyna sáıkes jańǵyrtýdy josparlap otyr.
