Álem • 23 Tamyz, 2019

Norveg zertteýshileri Qazaqstandaǵy bıznes ahýalyn saralady

58 retkórsetildi

Norvegııalyq sarapshylardyń toby jýyrda tolyǵymen Qazaqstanǵa arnalǵan «International Business» baıandamasyn ázirledi. Joba bir jyl boıy júrgizildi jáne oǵan Norvegııalyq ǵylym jáne tehnologııa ýnıversıteti, Norvegııalyq ekonomıka mektebi jáne BI Norwegian Business School qatysty.  «Innovation Norway» memlekettik korporasııasy demeý kórsetti. Bul týraly SIM baspasóz qyzmeti habarlady.

Baıandama úsh bólimnen quralǵan. Birinshi taraýda elge jalpy sholý jáne bıznes ahýalǵa áser etetin ózekti taqyryptar boıynsha saraptama usynylǵan. Onda demografııa, saıası damý, makroekonomıka, bilim berý salasy, eńbek naryǵy, ınfraqurylym, start-ap orta jaıynda aıtylǵan. Joba avtorlary Qazaqstandy ınvestısııalar úshin barynsha qolaıly elge aınaldyrý jolyndaǵy edáýir nátıjelerge qol jetkizilgeniń aıryqsha atap ótýde. Tunǵysh Prezıdent Nursultan Nazarbaev «Qazaqstan 2050» Strategııasyn usynyp, onda  memlekettik basqarýdy jetildirýdi, áleýmettik qamtamasyz etý men salyq salý júıesin jaqsartýdy, kishi jáne orta bıznesti qoldaýǵa jáne ınfraqurylymdy damytýǵa shaqyrdy. 2050 jyly munyń bári Qazaqstandy 30 eń damyǵan eldiń qataryna qosý úshin baǵyttalǵan. Bul úshin Qazaqstan óziniń tranzıttik áleýetin paıdalaný jáne aqparattyq tehnologııalar múmkindigin keńeıtý arqyly óz ekonomıkasyn ǵalamdyq jáne óńirlik ortaǵa tolyǵymen qosýy kerek.

«Qazaqstan jańa Jibek joly úshin tabıǵı tranzıttik dáliz bolyp tabylady. Boljam boıynsha, bul joba Qytaıdan Ortalyq Azııa men Kavkaz arqyly Eýropaǵa taýar tasymalyn edáýir jedeldetedi ári arzandatady. Qazaqstannyń strategııalyq geografııalyq ornalasýy bolashaqta anaǵurlym geoekonomıkalyq ózgerister jáne transport salasyndaǵy ınnovasııalardyń esesinen tym tıimdi bolady», - delingen jobada.

Ekinshi taraý Qazaqstan ónerkásibiniń negizgi salalary, olardyń ınvestısııa jáne keńeıý úshin múmkindikteri, sondaı-aq máseleleri týraly túsinik beredi. Negizgi nazar munaıgaz, taý keń, aýyl sharýashylyǵy, jańartylatyn energııa kózderi, sondaı-aq «jańa paıda bolǵan salalarǵa» («emerging industries») bólindi. «Jańa paıda bolǵan salalarǵa» avtorlar qurylys, aqparattyq tehnologııalar jáne týrızmdi qosty.

Úshinshi taraýda Qazaqstanda bıznes júrgizý ońaılyǵy, sondaı-aq salyq salý júıesi jáne áleýmettik korporatıvtik jaýapkershilik sııaqty mamandandyrylǵan taqyryptar qarastyrylǵan.

Materıal kóptegen derekkózderdiń, sondaı-aq avtorlardyń Qazaqstandaǵy kezdesýleri men suhbattardyń negizinde ázirlengen. Joba norveg kásipkerleriniń óz aldyna Qazaqstandaǵy jol nusqasy bolýǵa arnalǵan.

«Norveg kompanııalardyń kópshiligi úshin Qazaqstan jáne Ortalyq Azııa zerttelmegen aýmaq bolyp qala berýde. Osy baıandamamen norveg bıznesi Qazaqstandaǵy naryq pen jańa múmkindikter týraly aqparatty alatynyna senemiz», - dedi «Innovation Norway» ókili Frode Mo tanystyrý sózinde.

«Joba músheleriniń syndarly zertteýimen biz osynaý biregeı eldiń ekonomıkalyq, mádenı, saıası jáne áleýmettik qyrlaryna barynsha aqıqat kózqaras usynýǵa tyrystyq», - dep atap kórsetti joba jetekshisi Erık Hýa.

«International Business» - bul damýshy naryqtardaǵy halyqaralyq bıznes úshin aıryqsha múmkindikterdi anyqtaýdy kózdeıtin jylsaıynǵy kommersııalyq emes joba. Ol 1984 jyly bastalǵan jáne Norvegııa úkimetiniń norvegııalyq kásiporyndary men ónerkásibiniń ınnovasııasy men damýyn qoldaý quraly bolyp tabylady. Joba damýshy naryqtarynyń shynaıy jáne barynsha pozıtıvti qabyldanýyna áser etedi, dedi «Innovation Norway» korporasııasynda.

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar