18 tamyz keshke týysqandary joǵalyp ketkenderdi izdestirýde qoǵamnan kómek surady. Qorǵanys mınıstrliginiń qyzmetkerleri qazaqstandyqtardy izdestirýde jan-jaqty járdem kórsetý týraly sheshim qabyldady. Birneshe saǵat ishinde dabyl boıynsha Jeńis shyńynyń bazalyq lagerine ushý men izdestirý jumystaryna daıyndaldy.
«Tańerteń 19 tamyzda áskerı alpınıster Qarqara bazalyq lagerine keldi. Alaıda aýa raıynyń qolaısyzdyǵy ushyp ótýge múmkindik bergen joq. 20 tamyzda aýa raıy ashylǵanda komanda izdestirýdi bastady. Operasııa ótkizilgen ýaqytta top zardap shekkenderdiń boljamdy ornalasý aımaǵynda 5100-den bastap 6000 metrge deıingi bıiktikte 14 ret ushyp ótti. Bókterge barynsha 70 metrge deıin jaqyndady. Jylý vızorlary men kózben sholý nátıje bergen joq. Tiri adamdar ne máıit pen ózge izder anyqtalǵan joq» delingen habarlamada.
Qolda bar málimet boıynsha qazaqstandyq alpınıster komandasy (Murat О́tepbaev, Andreı Korneev, Aleksandr Chechýlın) 14 tamyzda Jeńis shyńyna shyqqan. Sol kezde aýa raıy buzyla bastalǵan. Sońǵy ret top baılanysqa 15 tamyzda shamamen 6600-6900 metr bıiktikten shyqty. О́tepbaev pen Korneev Aleksandr Chechýlınniń ókpesiniń isinýi nátıjesinde qaza bolǵany týraly habarlady. Odan basqa, palatkalar, kerek-jaraq pen azyq-túlikti jel aıdap áketken. Olar qolaısyz aýa raıynyń ashylýyn kútý úshin qarly shuńqyr qazǵan.
18 tamyzda «Aksaı Trevel» (Qyrǵyzstan) týrıstik kompanııasynyń Mı-8 tikushaǵy izdestirýge shyqty. Izdestirý nátıje bergen joq. Taýda birneshe qar kóshkini boldy.
