«Elbasynyń alańdaýshylyǵyn birinshi kezekte, azamattardyń ary men abyroıyna zııanyn tıgizetin jalǵan aqparatty taratatyn anonım aqparat kózderiniń, feık akkaýnttar men paraqshalardyń kóptep paıda bolyp jatqany týdyryp otyr, — dedi D. Abaev. — О́z sózinde Elbasy buqaralyq aqparat quraldary men telekommýnıkasııa jelilerin paıdalanýmen oryn alatyn osyndaı jaǵdaılar týraly aıtty».
Mınıstrdiń aıtýynsha, búginde feık jańalyqtarmen kúresý sharalaryn túrli memleketterdiń úkimetteri de, áleýmettik jelilerdiń ákimshileri de qabyldaýda.
QR AQDM aqparatyna sáıkes, Qazaqstan zańnamasynda bul másele rettelgen. Qylmystyq kodekste eki bap — jala jabý týraly 130-bap (adamnyń ar-abyroıyna nusqan keltirý) jáne ádeıi jalǵan aqparat taratý týraly 274-bap (qoǵamdyq tártipti buzý qaýpin týdyrý) qarastyrylǵan.
Máselen, Qylmystyq kodekstiń 130-babynda 2 myń AEK deıin aıyppul salý jáne 2 jylǵa deıin bas bostandyǵynan aıyrý túrinde jazalaý qarastyrylǵan. Tulǵany aýyr jáne asa aýyr qylmys jasaǵany úshin aıyptaýmen jala jabylǵan jaǵdaıda 3 myń AEK bastap aıyppul salý nemese 3 jylǵa bas bostandyǵynan aıyrý kózdelgen. Ádeıi jalǵan aqparat taratý týraly 274-bap boıynsha aýyrlyǵy jaǵynan barynsha joǵary jazalaýdy údetý qoldanylady — áskerı jaǵdaılarda nemese tótenshe jaǵdaılarda qylmystyq toppen osy qylmysty jasaǵany úshin 7 jylǵa bas bostandyǵynan aıyrý.
«Bizdiń mamandarymyz bul máseleni qarastyryp jatyr (esk. – jala japqany úshin jazany kúsheıtý). Mindetti túrde Bas prokýratýramen, Joǵarǵy sotpen, quqyq qorǵaýshy uıymdarmen, “Nur Otan” partııasynyń fraksııasymen jumystar júrgiziletin bolady. Halyqaralyq tájirıbe zertteledi», — dedi D. Abaev.
Mınıstr atap ótkendeı, eki baptyń da qazirgi redaksııasy (jalǵan aqparat taratqany úshin) álemdik tájirıbede bar. Osyǵan baılanysty, quqyq qoldaný tájirıbesin jetildirýge erekshe kóńil bólinetin bolady. Barlyq usynystar BAQ, sarapshylar men quqyq qorǵaýshylardyń qatysýymen jumys toptaryna jáne vedomstvoaralyq komıssııalarda talqylanady.
