Rýhanııat • 24 Tamyz, 2019

Qalıola Ahmetjannyń «Ýaqytqa saıahat» atty kórmesi ashyldy

195 retkórsetildi

Elordadaǵy Ulttyq mýzeıde tanymal sýretshi, Mádenıet qaıratkeri, tarıh ǵylymdarynyń kandıdaty, qarýtanýshy-etnograf, Qazaqstan Sýretshiler odaǵynyń múshesi Qalıola Ahmetjannyń 70 jyldyǵyna jáne shyǵarmashylyq qyzmetiniń 40 jyldyǵyna arnalǵan «Ýaqytqa saıahat» atty mereıtoılyq kórme ashyldy.

Is-sharanyń ashylý saltanatynda sóz alǵan Ulttyq mýzeı dırektory Arystanbek Muhamedıuly Qalıolla Ahmetjannyń kartınalary elimizde jáne shet elderde tanymal ekenin aıtty.

«Sýretshiniń týyndylary avtordyń oılap tapqan biregeı keskindeme tehnıkasynda jasalǵan jáne Qazaqstannyń eń úzdik mýzeıleriniń kolleksııalarynda, elimizdegi jáne shetelderdegi jeke kolleksııalarda saqtalǵan.

«Ýaqytqa saıahat» kórmesinde kórermender kóretin barlyq týyndy Qazaqstannyń zamanaýı mádenıetiniń jarqyn kórkem fenomeni, keremet sýretshimizdiń úlken jetistikteriniń dáleli retinde este qalady. Jas sýretshiler úshin Ahmetjannyń shyǵarmashylyǵy laıyqty úlgi, adamnyń eńbekpen qandaı jetistikke jetetininiń keremet dáleli» dedi mınıstr.

Qalıolla Ahmetjan – toptyq, qalalyq, respýblıkalyq jáne Chehoslovakııa, Efıopııa, Ońtústik Koreıa, Germanııa, Túrkııa, Qytaı jáne AQSh syndy memleketterde ótken kóptegen kórmege qatysqan. Sýretshiniń týyndylary  Á.Qasteev atyndaǵy Memlekettik beıneleý óneri mýzeıi, Ulttyq mýzeı, Memlekettik mýzeı, Tuńǵysh Prezıdent mýzeıi, Shyǵys Qazaqstan oblystyq Nevzorovtar otbasy atyndaǵy beıneleý óneri mýzeıi, Kýtaısı Kartınalar galereıasy (Grýzııa), Túrki mádenıetiniń halyqaralyq uıymy  (TIýRKSOI),  Elabýga memlekettik tarıhı-sáýlettik jáne kórkem óner qoryq mýzeıi (Reseı) qorlarynda, Qazaqstan, Anglııa, AQSh, Shvesııa, Pákistan, Germanııa, Iran, Japonııadaǵy jeke kolleksııalarda saqtaýly tur. Ekspozısııada sýretshiniń ár jyldary ártúrli janrlarda ártúrli tehnıkalyrmen jasaǵan kartınalary, kitap ıllıýstrasııalary, mýltfılm eskızderi, mýzeı ekspozısııalarynyń, tarıhı rekonstrýksııalardyń jobalary tanystyrylatyn bolady. 

Q.Ahmetjan kóp jyldan beri ǵylymı zertteý jumystarymen de aınalysyp keledi. Ol qazaqtyń dástúrli qarý-jaraqtarynyń tarıhy boıynsha respýblıkadaǵy jalǵyz maman sanalady, alty monografııalyq, 100-den astam ǵylymı jáne ǵylymı-kópshilik maqalanyń avtory.

Kórmege avtordyń qazaqtyń qarý-jaraq tarıhy, Qazaqstan folklory jáne tarıhy boıynsha avtordyń ózi ıllıýstrasııalaǵan kitaptary, ǵylymı basylymdardaǵy maqalalary, QR mýzeı qorlaryndaǵy qazaqtardyń dástúrli qarý-jaraqtaryn zerttegen jumystaryn kórsetetin qoljazbalary qoıylǵan.

 

 

 

 

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar