Qazaqstan • 24 Tamyz, 2019

Kásipodaqtar federasııasy Berdibek Saparbaevty «Úzdik áleýmettik áriptes» belgisimen marapattady

95 retkórsetildi

Nur-Sultan qalasynda Baqytjan Ábdiraıymnyń tóraǵalyǵymen Kásipodaqtar federasııasy Bas keńesiniń otyrysy ótti. Bul týraly federasııanyń baspasóz qyzmeti habarlady. 

Otyrys barysynda QRKF tóraǵasy «Qazaqstan Respýblıkasy Kásipodaqtar federasııasynyń 2018-2019 jyldarǵa arnalǵan jańǵyrtý jol kartasy» boıynsha atqarylǵan jumystar týraly baıandama oqydy. Bul qujatta áleýmettik ádilettilikti nasıhattaý jáne eńbekkerlerdiń quqyǵyn qorǵaý sharalary negizge alynǵan.

«Elbasy Nursultan Nazarbaev Kásipodaqtar federasııasy qazaqstandyqtardy Tórtinshi ónerkásiptik revolıýsııanyń jańa sharttaryna áleýmettik beıimdeý úshin qozǵaýshy kúsh bolýy tıistigin atap ótti», - dedi óz sózinde B. Ábdiraıym.

Osy oraıda Federasııa basshysy kásipodaqtar qyzmetindegi ózekti máselelerge, sonyń ishinde ujymdyq sharttardyń sanyn arttyrý, eńbek daýlaryn sheshý, eńbek qatynastaryn zańdastyrý, jumys oryndaryn saqtaý jáne qaýipsiz eńbek sharttaryn qalyptastyrý máselelerine toqtalyp ótti. Jol kartasynyń basym baǵyttary, sonyń ishinde HEU-nyń standarttaryn nasıhattaý jáne kásiporyndarda áleýmettik turaqtylyqty qamtamasyz etý máseleleri aıtyldy.

Sondaı-aq Prezıdent Qasym-Jomart Toqaevtyń áleýmettik bastamalarynyń ózektiligi jáne óz ýaqytyna saı ekendigi, sonymen qatar, kásipodaqtardyń basty qundylyqtarymen úılesim tabatyndyǵy atalyp ótti.

Bas keńestiń músheleri elimizde bolyp jatqan áleýmettik-eńbek reformalary ýaqyt talaby dep sanaıdy. Bul reformalar kásipodaqtar qyzmetin jańǵyrtý jáne eńbek adamyn qorǵaýdaǵy tıimdiligin arttyrý úshin baǵyt-baǵdar bolýy tıis. Osy rette áleýmettik áriptestiktiń erekshe róli men áriptestikti nyǵaıtý mańyzdylyǵy kórsetildi. 

Baqytjan Ábdiraıym aıtyp ótkendeı, Úkimet, QRKF jáne «Atameken» UKP arasyndaǵy 2018-2020 jyldarǵa arnalǵan Bas kelisim, sonymen qatar, 21 salalyq jáne 16 aýmaqtyq kelisimder kásipodaqtardyń úshjaqty komıssııa, daǵdarysqa qarsy shtab, qoǵamdyq jáne úılestirý keńesteriniń otyrysyna keńinen qatysýyna múmkindik berdi.

Úshjaqty komıssııa aıasynda múshe uıymdar tıisti salalardaǵy kásipodaq uıymdarynyń qyzmetin biriktire aldy. Áleýmettik áriptestermen ózara  yntymaqtastyqtyń aıqyn dáleli - Kásipodaqtar federasııasyna múshe uıymdar sanynyń 18-den 23 salalyq kásipodaqqa artýy. 40 myń eńbekkerdi qamtıtyn 500-ge jýyq bastaýysh kásipodaq uıymy quryldy.

QRKF Bas keńesiniń otyrysynda kásipodaq músheleriniń sany 45 myńǵa jýyq «QAZMED» medısına jáne onymen sabaqtas salalar qyzmetkerleriniń salalyq kásipodaǵy Federasııa quramyna qabyldandy.

Jumys nátıjelerin qoryta kele, Bas keńes músheleri Qazaqstan Respýblıkasy Premer-Mınıstriniń orynbasary Berdibek Máshbekuly Saparbaevtyń áleýmettik áriptestik taraptary arasynda ózara tıimdi baılanys júıesin qalyptastyrýǵa qosqan úlesin joǵary baǵalaı otyryp, «Úzdik áleýmettik áriptes» belgisimen marapattady.

Aımaqtyq deńgeıdegi áleýmettik áriptestikti damytýǵa qosqan zor úlesteri úshin Pavlodar oblysynyń ákimi Bolat Baqaýovty jáne Atyraý oblysynyń ákimi Nurlan Noǵaevty osy belgimen marapattaý týraly sheshim qabyldandy.

Otyrys sońynda QRKF basshysy Bas keńes múshelerin kásipodaqtardyń yntymaqtastyǵy men basty qundylyqtaryn keńinen nasıhattaýǵa shaqyrdy.

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar