Oqıǵa 16 tamyz kúni Almaty mańynda deltoplannan ótken sporttyq jarys kezinde bolǵan eken. Ushý-jattyǵý barysynda Mıkaı myrzanyń densaýlyǵy syr berip, jedel túrde jergilikti dárigerlerdiń kómegine júginýge týra kelgen. «Jedel kómek» jelisi boıynsha tirkelgen qońyraýdan keıin oblystyq aýrýhanyń «Jedel járdem» brıgadasy naýqasqa shuǵyl kómek kórsetti.
- Aǵylshyn eliniń azamatyna alǵashqy medısınalyq járdem kórsetilgen keıin ony aýrýhana jatqyzyp, tekserdik. Mamandar Djordj Mıkaıdyń dene jaraqatynan bólek, júregi aýyrǵanyn anyqtady. Sheteldikke mıokard ınfarkti degen dıagnoz qoıyldy. Mundaı jaǵdaıda shuǵyl ota jasaý kerek. Bizdiń dárigerler brıtandyq áriptesterimen baılanysyp, operasııa jasaýǵa kelisti. Nátıjesinde Mıkaı myrzanyń ómirine tóngen qaýip seıildi, - deıdi Almaty oblystyq Densaýlyq saqtaý basqarmasynyń basshysy Baýyrjan Ysqaq.
Qazir týǵan topyraǵyna arnaıy ushaqpen jetkizilgen Djordj Mıkaıdyń densaýlyǵy ońalyp keledi eken. Paddıngton klınıkasynyń dárigerleri naýqasty tolyq tekserýden ótkizip, qazaqstandyq dárigerlerdiń der kezinde jedel járdem kórsetip, sátti ota jasaǵanyna joǵary baǵa beripti.
Mamandar, tipti, Mıkaı myrzaǵa jarty jyldan keıin súıikti isine qaıta oralyp, deltoplanmen ushýǵa bolatyndyǵyn aıtqan kórinedi.
Al Almaty oblysynyń dárigerlerine rıza bolǵan Djordj Mıkaı arnaıy alǵys hat joldapty.
Almaty oblysy
