D.Mýsın Nur Otan partııasynyń bólimshesinde aýdandyq máslıhat depýtattarymen kezdesip, Parlament qabyldaǵan zań jobalaryn, sondaı-aq elimizde agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasyn talqylady. Kezdesýde ustazdar mártebesi, jas mamandardy aýyldarǵa tartý isi sııaqty birqatar áleýmettik máseleler qozǵaldy.
Sapar aıasynda senator Jańǵyztóbe kentindegi birqatar áleýmettik nysandardy aralap, Jańǵyztóbe orta mektebiniń jaǵdaıymen, dárigerlik ambýlatorııanyń materıaldyq-tehnıkalyq bazasymen, salynyp jatqan kún elektr stansııasy qurylysymen tanysty.
Senator sondaı-aq Shýaq aýylyndaǵy jylý qazandyǵynyń qurylysymen tanysyp, merdigerlermen problemalyq máselelerdi talqylady. Nysan qurylysy uzaq jyldardan keıin qaıta jandandy. Bıyl aýyl turǵyndary jylýmen qamtamasyz etiletin bolady.
