Zaýyttyń tynys-tirshiligimen «Aqtóbe munaı jabdyqtary zaýyty» AQ bas dırektory Gasal Mýsın tanystyrdy.
Zaýyttyń ashylý rəsimine qatysqan edik. Ol kezde kásiporynnyń ózekti máseleleri óte kóp bolǵan-dy. Arada ótken jyldar ishinde osy máselelerdiń sheshimin tapqanyn kórip otyrmyn. Kásiporynnyń talpynysy óte jaqsy. Əri qaraı damı tússe, adamdardyń da turaqty jumysqa, turaqty jalaqyǵa qyzyǵýshylyq tanytary anyq. Sonymen qatar jumysshylardy tegin tamaqtandyryp, tasymaldaý jaǵy qarastyrylǵan. Iаǵnı, adamdar qýana jumys istep, tabys tabady. Sondyqtan osy kásiporynda barlyq óndiristik, áleýmettik máselelerdi sheshý saıasaty tıisti deńgeıde júrgizilýde dep esepteımin, - dedi Sergeı Sımonov.
Kezdesýde Májilis depýtaty atqarylǵan jumystarǵa toqtalyp, aldaǵy josparlarmen bólisti.
Aıta ketý kerek, zaýyt 2001 jyly Qazaqstandy munaı jabdyǵymen qamtamasyz etý maqsatynda qurylǵan. Ol Qazaqstandaǵy sorǵy shtangasyn shyǵaratyn jalǵyz óndirýshi bolyp tabylady jáne respýblıka naryǵynyń 92 paıyzyn ónimmen qamtamasyz etedi. О́nimniń negizgi tutynýshylary - Qazaqstannyń batys óńirindegi munaı óndirýshi kásiporyndar («О́zenmunaıgaz» AQ, «Embimunaıgaz» AQ, «Mańǵystaýmunaıgaz» AQ, «Qarajanbasmunaı» AQ, «Qazaqtúrikmunaı» JShS, t.b.).
Zaýyttyń óndiristik qýaty jylyna 600 myń dana soraptyq shtangalar men olarǵa mýftalar shyǵarýǵa múmkindik beredi. Kásiporyn únemi qural-jabdyqtardy, tehnologııalardy jańartyp, mamandardyń biliktiligin arttyryp otyrady. 2015 jyly eńbek ónimdiligin 1,5 esege arttyratyn jańǵyrtylǵan mashına satyp alyndy.
Qazaqstan naryǵynda halyqaralyq kompanııalarmen jumys isteýge jáne zaýyt ónimin eksporttaýǵa quqyq beretin API (American Petrol Institute) standartynyń halyqaralyq sertıfıkaty alyndy. Qazir munda 235 adam jumys isteıdi.
Odan ári Májilis depýtaty Sergeı Sımonov 29 tamyzǵa deıin Aqtóbe oblysynyń Alǵa, Baıǵanın, Mártók, Qobda, Áıteke bı, Shalqar aýdany turǵyndarymen kezdespek.
