Oblystyq aýyl sharýashylyq basqarmasynyń basshysy Saǵynjan Apaqashovtyń aıtýynsha, bıylǵy ónimniń túsimi jalpy alǵanda jaman bolmaıtyn túri bar.
– Tamyz aıynyń basynda astyq ósirýmen aınalysatyn Abaı, Buqar jyraý, Osakarov, Nura syndy aýdandardyń alqaptaryn aralap shyqtyq. Jıyn-terim jumystaryna daıyndyqpen jáne aýyl sharýashylyq daqyldary egistiginiń jaı-kúıimen tanystyq. Dándi daqyldardyń túrlik ónimdiligi jaman emes. Alaıda, shildede jáne tamyzdaǵy qolaısyz ystyq aýa raıy astyqtyń tolysýyna keri áserin tıgizdi.
Bıyl bıdaı 631 myń gektardan, arpa 200 gektardan, suly 16 myń gektar alqaptan jınalady. Maıly daqyldar bolsa, 24 myń gektar alqapqa egilgen. Sondaı-aq, kartop 10.4 gektardan, basqa kókónis túrleri 1,5 myń gektar alqaptan jınalady.
Oblys boıynsha astyq jınaý jumystaryna 2 344 kombaın, kartop jınaıtyn 60 jáne kartop qazatyn 72 kombaın jumyldyrylady.
Oblys ákimi kelesi jyly kartop, qyryqqabat, pııaz jáne sábiz egetin alqaptardy ulǵaıtý kerek dep sanaıdy.
– Bizde kókónisterge suranys joǵary, olardy saqtaý múmkindigi bar. Sondaı-aq, kókónis qory qysqy jáne kóktemgi kezeńde olardyń baǵasynyń ósýin baqylaýǵa múmkindik beredi, – dedi Erlan Qoshanov.
Astyq jınaý naýqanyn óńir basshysy óziniń tikeleı baqylaýyna alatynyn málimdedi.
Qaraǵandy oblysy
