Fransııa prezıdenti Emmanýel Makron kóshbasshylar arasynda kelisim jasalyp qoıǵanyn, alaıda áreketterdiń naqty baǵdarlamasyn ázirleý kerek ekenin málim etti.
Brazılııalyq qutqarýshylar birneshe aptadan beri órtti sóndire almaı jatyr, al olardyń sany kún sanap artýda. Buǵan deıin jeti shtat tilsiz jaýdy óz betterinshe sóndire almaıtyndaryn moıyndap, áskerı qyzmetkerlerden kómek suraǵan. Nátıjesinde brazılııalyq bılik ókilderi birneshe batys elderiniń qysymymen órtti aýyzdyqtaýǵa 40 myńnan astam áskerı men áýe tehnıkasyn jiberdi.
Qańtar aıynan beri Brazılııada 80 myńǵa jýyq órt tirkeldi. Bul – 2013 jyldan bergi eń joǵary kórsetkish. Alaıda sońǵy kúnderi Angolada jáne Kongo Demokratııalyq Respýblıkasynda jaǵdaı áldeqaıda ýshyǵyp tur. О́tken aptada jarııalanǵan spýtnıktik málimetterge sáıkes, eki táýlikte Brazılııada 2 myńnan astam, KDR-da 3 myńnan astam, Angolada 7 myńǵa jýyq orman órtteri tirkelgen.
