«Asa qadirli Elbasy!
Kásibı merekemizben quttyqtaǵan jyly lebizińiz úshin shyn júrekten alǵys bildiremiz.
Sizdiń egemen elimizdiń taý-ken salasyn damytýǵa árqashan erekshe kóńil bóletinińiz qýantady.
Qazaqstannyń barlyq kenshileri halyqtyń ál-aýqatyn arttyrýǵa jáne ómir súrý sapasyn jaqsartýǵa baǵyttalǵan ıgi bastamalaryńyzdy tolyq qoldaıdy. Biz, eńbek adamdary, árqashan Kóshbasshymyz – Siz úshin jáne Otanymyz – Qazaqstan úshin qorǵan bolamyz.
Biz Sizdiń salıqaly basshylyǵyńyzdyń arqasynda elimizdiń táýelsizdik jyldary qol jetkizgen jetistikterin baǵalaımyz. Qazaqstanda barlyq jaǵdaı jasalǵan: joldarymyz jaqsy, jastarǵa turǵyn úı salynýda, balalarymyz elimizdiń jáne dúnıejúziniń eń jaqsy oqý oryndarynda bilim alý múmkindigine ıe, medısına damyp keledi. Eń bastysy, adamdarǵa jumys isteýge jáne tabys tabýǵa múmkindik mol.
Qıyn-qystaý kezeńderge qaramastan, biz árqashanda Sizge jáne elimizge adal boldyq. Dál Sizdiń, Nursultan Ábishuly, Qazaqstandy ǵalamat bıikterge jeteleıtinińizge kámil sendik. Búgin Sizdiń ólsheýsiz eńbegińizge sheksiz rızamyz.
Siz bizdiń Kóshbasshymyz, bizdiń – Elbasymyzsyz! Týǵan jerimizdegi beıbit aspan men turaqtylyqtyń ıgiligi úshin biz árdaıym Sizdiń artyńyzdan ere beretin bolamyz!», - delingen jedelhatta.
