Olar Kvandjýda ótken 2019 jylǵy álem chempıonatynyń qorytyndysy boıynsha lısenzııaǵa ıelik etip otyr.
Dýetterdi Olımpıada oıyndaryna irikteý birneshe tásil arqyly júzege asyrylady. Alǵashqy 10 komanda álem chempıonatynyń qorytyndysy boıynsha avtomatty túrde Tokıo joldamasyna qol jetkizedi. Olardyń qatarynda oıyndy qabyldaıtyn memleket Japonııa, Reseı, Egıpet, Avstralııa, Ýkraına, Qytaı, Kanada eliniń ókilderi bar.
Olımpıadanyń bes joldamasy ár qurlyqta joǵary orynda turǵan komandalarǵa reıtıng boıynsha úlestiriledi (Japonııa esepke alynbaıdy). 2019 jylǵy álem chempıonatynyń qorytyndysy boıynsha Azııa qurlyǵynan Qazaqtan, Afrıkadan Ońtústik Afrıka Respýblıkasy, Okeanııa aımaǵynan Jańa Zelandııa lısenzııa ıelendi. Panamerıka oıyndarynyń qorytyndysy boıynsha joldama Amerıka nemese Meksıkanyń birine buıyrady. Al Eýrpodaǵy ókil keıin anyqtalmaq.
Olımpıada oıyndarynyń qalǵan jeti qatysýshysy irikteý týrnırinde reıtıng boıynsha anyqtalady. Halyqaralyq Olımpıada komıteti sınhrondy júzýden dýetterge arnap 22 kvota bólgen.
Osylaısha, Qazaqstan quramasy 12 lısenzııaǵa ıelik etti. Buǵan deıin Rıshat Haıbýllın (sporttyq quzǵa órmeleý), Dmıtrıı Balandın (100,200 metrge brass ádisimen júzý), Olga Rypakova, Georgıı Sheıko (jeńil atletıka), Evgenıı Gıdıch (velosport), klassıkalyq túrde sadaq atýdan Qazaqstan erler komandasy (Denıs Gankın, Ilfa Abdýllın, Sanjar Musaev) jáne Vıtalıı Hýdıakov (ashyq sýda júzý) Olımpıadaǵa qatysý normatıvin oryndaǵan bolatyn.
