Osy maqsatqa bıýdjetten 815 mln teńge bólingen. Qazirgi tańda oqýlyqtardyń 98 prosenti mektepterdiń kitaphanalaryna jetkizildi.
Qaraǵandy qalalyq bilim bóliminiń basshysy Gúlsim Qojahmetova 4-shi, 9-shy jáne 10-synyp oqýshylary úshin bıylǵy jyly jańartylǵan oqýlyqtardyń tolyq jıyntyǵy satyp alynǵanyn jetkizdi.
– Qalǵan synyptar áli úırenshikti baǵdarlama boıynsha júrip jatyr, degenmen olar úshin de oqýlyqtar satyp alyndy. Birinshi synyp oqýshylaryna jumys dápterleri jıyntyǵyn taratyp beremiz. Basqa synyp oqýshylaryna olardy satyp alýdyń qajeti joq. Bilim jáne ǵylym mınıstri aıtqandaı, olardyń tolyqqandy bilim alýyna qarapaıym dápterlerdiń ózi-aq jetip jatyr, – dep habarlady ol.
Sondaı-aq, qalalyq bilim basshysy bıylǵy oqý jylynda oqýshylarǵa barlyq oqýlyqtardy ózimen birge alyp júrý mindetti emes ekenin atap ótti. Bilim mınıstrligi «Jeńil portfel» jobasyn usynǵan: oqýshylarǵa mektepte qaǵaz kitaptaryn qaldyrýǵa bolady, al úıde olar elektrondy kitaptardy paıdalana alady. Kerek bolǵan jaǵdaıda vırtýaldy oqý quraldaryn Bilim jáne ǵylym mınıstrliginiń saıtynan júktep alýǵa bolady.
Qaraǵandy oblysy
