Halyq­aralyq «Birlik» jastar lageri jumysyn bastady

25 tamyzda Qazaqstannyń túkpir-túkpirinen jınalǵan jastar jáne shetelden kelgen qonaqtar «Dostyq úıi – Qoǵamdyq kelisim orta­ly­ǵynda» bas qosyp, «Daryn» ortalyǵynyń jazǵy saýyq­tyrý lagerine jol tartty. Qatysýshylar tirkeýden ót­ken soń, jerebe tartyp top­qa bólindi. Keıin lager aý­maǵynda «Team-building», bı keshin uıymdastyryp kóńil kóterdi.

Kelesi kúni «Birlik» lage­riniń saltanatty ashylý rásimi ótti. Is-sharaǵa QHA Tóraǵasynyń orynba­sa­ry Sherzod Pýlatov, «My – rossııane» Reseı halyq­ta­rynyń Jastar assambleıasy» jalpyreseılik qoǵam­dyq qozǵalysynyń Omby aı­maqtyq bólimshesiniń tór­aǵasy Ermek Hapızov já­ne músheleri Iа.Ýlıanov, D.Lı­povık, «Jańǵyrý joly» QHA respýblıkalyq jas­tar qozǵalysynyń úzdigi Tı­mýr Jumyrbaev qatysty. Is-sharanyń maqsaty – mem­lekettik jastar saıasatyn damytý jáne qoǵamdyq kelisim men jalpyulttyq birliktiń qazaqstandyq úlgisin nasıhattaý.

Lager aıasynda «Qazaqstan halqy Assambleıasynyń jastar saıasatyn damytý ba­symdyqtary» atty forým, «Jastar uıymdarynyń ha­lyqaralyq jumys tájirı­besi» jáne «Qazaqstan halqy Assambleıasynyń «Jańǵy­rý joly» respýblıkalyq jas­tar qozǵalysynyń mindetterin praktıkalyq iske asyrý» týraly dóńgelek ústel ótti. Sondaı-aq jastar arasynda pikirtalas, semınar-trenıngter uıymdastyryldy. Sońynda jastar «Qazaqstan uıǵyr jastary odaǵynyń» shyǵarmashylyq keshin tamashalap, bı jarysymen alǵashqy kúndi támamdady.

«Birlik» halyqaralyq jas­tar lageri búgin máresine jetedi.