Kórsetilgen mıllıon ótinimniń 725 myńy - 109 nómiri, 14 742 -WhatsApp jáne Telegram messendjerleriniń chat-bottary arqyly, 8 785 - ákimdik saıty jáne 2 799 -mobıldi qosymsha arqyly berildi. 785 741 ótinim alǵashqy qońyraýdan qaralyp, sheshimin tapty.
Búgingi kúni 172 671 ótinim boıynsha jumys isteldi, al 6 823 ótinim qaralýda. Statıstıka kórsetip otyrǵandaı, jyl saıyn biryńǵaı qyzmetke túsip jatqan ótinim sany kóbeıip keledi, sáıkesinshe iKOMEK109 baılanys ortalyǵyndaǵy jumys tobynyń sapasy da artýda. Aıta keteıik, «ákimdiktiń 109 qyzmeti» 2016 jyly 244 myń ótinim, 2017 jyly 293 myń ótinim qabyldap, olardy sheshý úshin qyzmet kórsetti. Bul kórsetkishter elorda turǵyndary qalany damytý isine belsendi aralasa bastaǵanyn kórsetedi.
«Biz óz kezegimizde qalalyqtarǵa kómektesýge tyrysamyz, ár ótinimdi aıaqsyz qaldyrmaı, sońyna deıin jetkizemiz. Súıikti qalamyzdy kórkeıtý úshin eńbek etip, elordanyń ár turǵynymen belsendi jumys isteýge qashan da daıynbyz», - dedi iKOMEK109 biryńǵaı baılanys ortalyǵynda.
