Nur-Sultan qalasynyń TJD aqparatyna sáıkes, 2019 jyldyń basynan elordada 14 jaǵdaı tirkelgen (2018-21), onyń ishinde 1 jaǵdaı ólimmen aıaqtaldy (2018-8), 13 adam aýrýhanaǵa jetkizildi (2018-13).
Kóp jaǵdaıda balalardyń qulaýy olardyń ata-anasynyń qaraýynsyz qalýy sebebinen oryn alady. Qasirettiń aldyn alý úshin, qutqarýshylar kishkentaı balalardy jalǵyz qaldyrmaýǵa keńes beredi. Sonymen birge barlyq jıhazdardy bala tereze aldyna shyǵa almaıtyndaı etip, tereze janynan alshaq qoıýdy usynady.
Terezedegi moskıttik torlarǵa senbeý kerek. Olar qulaýdan saqtaýǵa arnalmaǵan. Kerisinshe, moskıttik tor qaıǵyly jaǵdaıdyń oryn alýyna ákelip soǵady, balalar moskıttik torlardy qaýipsiz dep oılaıdy jáne terezege súıengendeı sol torlarǵa súıenedi. Eń sapaly tordyń ózi balanyń salmaǵy men qysymdy kótere almaıdy.
Eger balańyz bólmede bolsa, terezeni jáne balkon esigin ashpańyz. Joǵarǵy jeldetkishterdi nemese tik jeldetý rejımin paıdalanyńyz. Bala terezeni óz erkimen asha almaý úshin terezege arnaıy bekitkishter ornatý qajet.
Eger siz balańyzǵa terezeden bir nárse kórsetetin bolsańyz, ony myqtap ustańyz, balanyń shuǵyl qımyldaryna daıyn bolyńyz, alaqandy qurǵaq ustańyz, balany kıimnen ustamańyz.
Balalarǵa qaýipsizdik sabaqtaryn úıretińiz.
Balalardyń úlkenderin ózinen kishilerine qaraýǵa úıretińiz.
