Saltanatty sharaǵa QR Tuńǵysh Prezıdenti – Elbasy Nursultan Nazarbaev, QR Prezıdenti Qasym-Jomart Toqaev, Úkimet basshysy Asqar Mamın, Qazaqstanda tirkelgen sheteldik dıplomatııalyq ókildikterdiń basshylary qat ysýda.
Esterińizge sala keteıik, álemdegi eń úlken ıadrolyq synaq polıgonyn jabýdyń 25-jyldyǵyna oraı, óńirlik turaqtylyqty qamtamasyz etýge jáne jahandyq qaýipsizdikti kúsheıtýge naqty úles qosqan, soǵys, terrorızm, jappaı qyryp-joıý qarýlaryn taratýǵa qarsy jáne kedeılikti eńserý jolynda berik turǵan álemdik qaıratkerlerdi jáne uıymdardy qoldaýdy kózdegen «Iаdrolyq qarýsyz álem jáne jahandyq qaýipsizdikke úles úshin Nazarbaev syılyǵy» taǵaıyndalǵan bolatyn. Atalǵan syılyqtyń alǵashqy laýreaty Iordanııa koroli II Abdalla bolǵan edi. Syılyq korolge 2016 jylǵy 16 qarashada Astanada ótetin saltanatty is-sharada tabystaldy.
Laýreatty tańdaǵanda Iordanııaǵa 1,5 mıllıonnan astam sırııalyq bosqyndardy qabyldaý men, sonyń ishinde óńirde ıadrolyq qarýdan azat aımaqty qurý arqyly Taıaý Shyǵysty beıbitshilik aýmaǵyna aınaldyrý baǵytyndaǵy batyl jigeri úshin Koroldiń ǵalamdyq beıbit pen qaýipsizdikke qosqan úlesi nazarǵa alyndy. Syılyq Elbasynyń 2016 jylǵy sáýirde Vashıngtondaǵy Iаdrolyq qaýipsizdik sammıti barysynda jarııalanǵan «Álem. XXI ǵasyr» manıfesi ıdeıalaryna oraı bekitilgen.
Syılyqty taǵaıyndaý Qazaqstannyń memleketter men saıasatkerlerdiń adamdardyń qaıǵy-qasiretine jol bermeý men jahandyq beıbitshilik jolyn qýý úshin jaýapkershilikti óz moıyndaryna alýǵa tıisti ekendigine degen kámil senimdiligin kýálandyrady. Syılyq halyqaralyq yntymaqtastyq pen ózara túsinistikke degen senimge ortaqtasatyn bedeldi qaıratkerlerdi ulyqtaıtyn bolady.
