«Nurly Ertis» baǵdarlamasy sheńberinde Ekibastuzda bes qabatty birneshe turǵyn úı salyndy. Onyń 3 bólmeli 122 jáne 2 bólmeli 100 páteri elordadan kóship barǵan turǵyn úı kezegindegi otbasylarǵa arnalǵan. Páterdi jaldaý aqysy aıyna sharshy metrine 99 teńgeni ( 7722 teńgeden 8000 teńgege deıin) quraıdy. Qazirgi ýaqytta 2 bólmeli páterge otbasymen kóshýge nıetti otbasylardyń ótinimderi qabyldanyp jatyr.
Baǵdarlama qatysýshylaryna turaqty jumys, al balalaryna balabaqsha men mektepten tegin oryn usynylady. Sondaı-aq qaıtarymsyz negizde mektep formasy, oqý quraldary jáne tegin tamaq, jol júrý bıleti beriledi. Sońǵysyn ata-analarynyń biri de ala alady. Jekeshelendirý máselesine kelsek, Pavlodar oblysy ákimdigi ókilderiniń sózinshe, bul másele jaldamaly páterje 5 jyl boıy turǵan soń sheshiledi. Osy ýaqytqa deıin Ekibastuzǵa 169 otbasy nemese 996 adam kóship ketti, onyń 319-y eńbekke jaramdy adam jáne 667-si bala.
«Nurly Ertis» baǵdarlamasyna qatysyp, Ekibastuz qalasyna kóship barý úshin kelesi qujattar kerek:
1) Turǵyn úı qoryna tıisti qujattarmen birge ( jeke kýáliktiń kóshirmesi, joǵary nemese kásiptik-tehnıkalyq bilimin rastaıtyn qujattyń kóshirmesi, balalarynyń týý týraly kýálikteriniń kóshirmesi, turǵyn úı kezegine turý týraly qujattyń kóshirmesi, QR aýmaǵynda turǵyn úıiniń joqtyǵyn rastaıtyn qujattyń kóshirmesi) ótinish berý.
2) О́tinim Turǵyn úı qorynyń qyzmetkerlerimen jınalyp, keıin Ekibastuz qalasynyń ákimdigimen qaralady.
3) О́tinim maquldanǵan jaǵdaıda Ekibastuz qalasy ákimdiginiń qyzmetkerleri ótinish berýshimen habarlasyp, kóshý kúnin belgileıdi.
4) Nur-Sultan qalasy ákimdigi kópbalaly otbasylar men olardyń dúnıe múlkin kóshirý úshin kólik quraldary bólinedi (2 fýra, 3 avtobýs). О́tinimder Turǵyn úı qorynyń keńsesinde (Qoshqarbaev kóshesi, 39 úı) qabyldanady. Osy máselege qatysty konsýltasııany Jumyspen qamtý ortalyǵynda (Beıbitshilik kóshesi, 25 meken-jaıy boıynsha) alýǵa bolady.
