«Búgin, Negizgi Zańnyń jáne Memleket basshysy júrgizip otyrǵan saıasattyń talaptaryna sáıkes, biz eldegi qylmysqa qarsy kúreste IIM-niń barlyq qyzmetteri men bólimsheleriniń jumysyn joǵary deńgeıde, jańa formatta uıymdastyryp, qoǵamdyq qaýipsizdikti qamtamasyz etýimiz qajet. Osyǵan baılanysty mınıstrlik azamattyq qoǵammen, úkimettik emes uıymdarmen jáne buqaralyq aqparat quraldarymen tyǵyz qarym-qatynas ornatyp, belsendi jumys júrgizýde», dedi E.Turǵymbaev.
Saltanatty sharada óz mindetterin adal atqarǵany úshin jáne Konstıtýsııa kúnine oraı ishki ister organdarynyń birqatar qyzmetkerine memlekettik jáne vedomstvolyq nagradalar tapsyryldy. Atap aıtqanda, Prezıdenttiń arnaıy Jarlyǵymen qyzmettik boryshyn oryndaý kezinde kórsetken erligi men qaısarlyǵy úshin Qaraǵandy oblysy TJD О́rt sóndirý jáne apattyq-qutqarý jumystary qyzmetiniń bólim komandırleri Dáýlet Alshymbekov, Talǵat Medeýbaev, atalǵan qyzmettiń jedel kezekshiliginiń kómekshisi Darhan Raıymbekov, Qaraǵandy oblysyndaǵy О́rt sóndirý bólimi bastyǵynyń mindetin atqarýshy Berik Rahymjanov «Erligi úshin» medalimen nagradtaldy.
Bul órt sóndirýshiler Jalańtas aýyly men «Jas Qanat» balalar lageri janyndaǵy órtti sóndirý kezinde batyldyq pen kásibı sheberlik kórsetti. О́rt sóndirý kezinde aýyl sharýashylyǵy alqaptary men eldi mekenderdiń qyzyl jalynǵa oranýyna jol bergen joq. Olardyń erlik áreketteri nátıjesinde júzdegen adam órtten qutqaryldy.
Sondaı-aq Ishki ister mınıstri Erlan Turǵymbaevtyń buıryǵymen qyzmettik mindetterin úlgili oryndap, jumysynda joǵary nátıjelerge qol jetkizgeni úshin ishki ister organdary men Ulttyq ulannyń birqatar qyzmetkeri marapattaldy. Jalpy, Konstıtýsııa kúnin merekeleýge oraı ishki ister organdarynyń 560 qyzmetkeri ártúrli marapatqa ıe boldy. Merekelik jıynnyń sońynda Nur-Sultan qalasy Polısııa departamentiniń kórkemónerpazdar ujymy daıyndaǵan merekelik konserttik baǵdarlama kórermender nazaryna usynyldy.
