Kórmege ázirlený tájirıbesimen tanysýda

Juma, 15 naýryz 2013 1:31

Mılanda QR Qorshaǵan ortany qorǵaý mınıstri Nurlan Qapparov bastaǵan Qazaqstan delegasııasynyń «EKSPO-2015 Mılan» kompanııasynyń atqarýshy dırektory Djýzeppe Sala jáne Mılan qalasy ákimdiginiń bas­shylyǵymen kezdesýleri ótti. Delegasııa quramynda QR SIM jaýapty hatshysy, Ha­­lyq­aralyq mamandandyrylǵan EKSPO-2017 kórmesiniń komıssary R.Jo­shy­baev, «EKSPO-2017 As­ta­­­na» ulttyq kompanııasy» AQ Pre­­­­­zıdenti T.Ermegııaev jáne Qa­zaq­stannyń Italııadaǵy elshisi A.Elemesov boldy.

Juma, 15 naýryz 2013 1:31

Mılanda QR Qorshaǵan ortany qorǵaý mınıstri Nurlan Qapparov bastaǵan Qazaqstan delegasııasynyń «EKSPO-2015 Mılan» kompanııasynyń atqarýshy dırektory Djýzeppe Sala jáne Mılan qalasy ákimdiginiń bas­shylyǵymen kezdesýleri ótti. Delegasııa quramynda QR SIM jaýapty hatshysy, Ha­­lyq­aralyq mamandandyrylǵan EKSPO-2017 kórmesiniń komıssary R.Jo­shy­baev, «EKSPO-2017 As­ta­­­na» ulttyq kompanııasy» AQ Pre­­­­­zıdenti T.Ermegııaev jáne Qa­zaq­stannyń Italııadaǵy elshisi A.Elemesov boldy. Kezdesýler barysynda qazaqstandyq tarap Italııa úkimetine halyqaralyq mamandandyrylǵan EKSPO-2017 kórmesin Astanada ótkizýde Qa­zaqstannyń kandıdatýrasyn qol­daǵany úshin rızashylyǵyn bil­dirip, ıtalııalyq kompanııa­lardy is-sharany daıyndaýǵa belsendi túrde qatysýǵa shaqyrdy. Astanada ótetin kórme balamaly energetıkany qurý men qoldanýǵa úlken úles qosady, eń úzdik álemdik tehnologııalardy keńinen kórsetýge múmkindik beredi jáne energetıkalyq tıim­di baǵdarlamalar men jańa sheshimderdi ilgeriletýge kómek­tesedi, dep atap ótildi. Qazaqstanda Italıan kompanııalary balamaly energetıka, qurylys pen týrızm salalarynda EKSPO-2017 kórmesin daıyndaý men ótkizýge belsendi túrde qatysady dep kútilýde.

О́z kezeginde Djýzeppe Sala Astananyń EKSPO-2017 kórmesin ótkizý orny bolyp saılanýyn qýana qabyl alyp, aldaǵy álemdik deńgeıdegi is-shara tek Astananyń ǵana emes, tutas Qazaqstannyń da damýyna qosymsha serpin beredi, dep atap ótti. Ol Italııa tarapy EKSPO-2017 kórmesin daıyndaý men ótkizýde Qazaqstanǵa qajetti kómek kórsetedi dep sendirip, Mılanda ótetin EKSPO-2015-tiń taqyryby «Planeta úshin taǵam, ómir súrýge qýat» bolǵandyǵyn aıtyp, munyń qazaqstandyq kórmeniń taqyrybymen úndes ekendigine nazar aýdardy.

Kelissózder barysynda taraptar Mılandaǵy EKSPO-2015 jáne Astanadaǵy EKSPO-2017 kórmelerin daıyndaýdaǵy qyz­metti úılestirý jóninde birlesip jumys jasaý qajettiligi atap ótildi. Uıymdastyrýshylyq máse­leler jóninde aqparatty jedel túrde almasý maqsatynda, eki eldiń kórmelerdi daıyndaýmen aınalysatyn memlekettik organdary men ulttyq kompanııalary arasynda turaqty baılanystardy júrgizý týraly kelisimge qol jetkizildi.

Sapar barysynda qazaqstandyq delegasııa EKSPO-2015-tiń qu­rylys alańymen tanysty. Italııa úkimeti Mılandaǵy EKSPO-ny daıyndaýǵa 13,2 mlrd. eýro bóldi. Munyń syrtynda 14 mlrd. eýrodaı tikeleı ınvestısııa jasalady dep kútilýde. Kórme ótetin kúnderi Mılan qalasy 20 mln. adamǵa deıin qonaq qabyldamaq. Kórmeniń jalpy alańy 110 gektardy quraıdy. Kórme ótkizý úshin Expo Village jańa turǵyn qalashyǵy, birqatar jańa qonaq úıler men iri kempıng salynady. Qatysýshy elderdiń pavılondary 4 kategorııaǵa (A, B, C jáne D) bólingen. Birqatar úıler men ǵımarattar, sonyń ishinde resmı rásimder men qabyldaýlar ótetin Italııa saraıy, mádenı is-sharalardy ótkizýge arnalǵan 24 myń kórermen sııatyn arena, 8 myń kórermen sııatyn amfıteatr qurylysy josparlanýda. Kórme Mılan men Lombardııa úshin ǵana emes, jalpy el úshin eń iri oqıǵa bolady jáne Italııanyń ekonomıkalyq damýyna qosymsha serpin beredi dep kútilýde.

«Egemen-aqparat».