Jarııaǵa jar salar jaqsylyǵymyz
Juma, 15 naýryz 2013 1:33
Elimizdiń álem jurtshylyǵy aldyndaǵy abyroıynyń asqaq ekenin, taǵy bir dáleldegen sát, kúni keshe Fransııa jerinde ótken Halyqaralyq kórmeler bıýrosy Bas assambleıasynyń 152-shi sessııasy barysynda qazaq halqynyń mártebesin kókke jetkizgen EXPO halyqaralyq kórmesi 2017 jyly Eýrazııa júregi Astana qalasynda ótetindigi málim bolǵany barshamyzǵa aıan.
Juma, 15 naýryz 2013 1:33
Elimizdiń álem jurtshylyǵy aldyndaǵy abyroıynyń asqaq ekenin, taǵy bir dáleldegen sát, kúni keshe Fransııa jerinde ótken Halyqaralyq kórmeler bıýrosy Bas assambleıasynyń 152-shi sessııasy barysynda qazaq halqynyń mártebesin kókke jetkizgen EXPO halyqaralyq kórmesi 2017 jyly Eýrazııa júregi Astana qalasynda ótetindigi málim bolǵany barshamyzǵa aıan.
Halyqaralyq kórme ótkizýge nıet bildirgen 6 memleket ishinen iriktelip alynǵan Belgııanyń Lej qalasy men qazaq eliniń maqtanyshyna aınalǵan Astana qalasy bolatyn. Osyndaı tartysty báıgede qazaq jurtynyń senim artyp, úkilep qosqan báıge aty súrinbeı óz belesin baǵyndyrdy dep aıtsaq artyq bolmas. Halyqaralyq kórmeler bıýrosy Bas assambleıasynyń 152-shi sessııasyna qatysqan memleketterdiń 103 daýysyn senimdi túrde óz qorjynyna jınaǵan Qazaqstannyń mereıli dańqy qurlyqqa taǵy bir jetistigimen málim boldy. Bul ıgi shara Qazaqstan halqyna tek qana jetistik alyp keletin, jaýapkershiligi mol álemdik deńgeıdegi orny erekshe jıyn ekeni barshaǵa belgili. Atalǵan shara 2017 jyldyń 10 shildesinde bastalyp, sol jyldyń 10 qyrkúıegine deıin jalǵasady. Jer sharynyń 100-den astam elinen 3-4 mıllıonǵa tarta adam elimizdiń júregi Astanaǵa aıaq basatyny málim. Osynaý jaýapkershilikti moınyna esh kúmánsiz senimmen alǵan alash eli barshaǵa óziniń keń peıilimen qonaqjaılylyǵyn pash ete otyryp, álemdi tolǵandyrǵan «Bolashaqtyń energııasy» týraly máseleni kótermek.
Astanadaǵy EHRO-2017 kórmesi TMD elderi men Ortalyq Azııa aýmaǵyndaǵy eń alǵashqy halyqaralyq deńgeıdegi ótkiziletin kórmege aınalady. Bul degen sóz – elimizdiń qurlyq arasyndaǵy mártebesiniń oq boıy joǵary ekendigin kórsetedi. Bul jeńiske qol jetkizýimiz táýelsiz elimizdiń 20 jyl ishindegi jetken jetistikteriniń bir parasy bolary anyq.
2010 jyly EQYU sammıtine tóraǵalyqty jáne 2011 jyly Azıadany joǵary dárejede uıymdastyryp, ótkize bilgen alash ólkesine jahan halqy taǵy da úlken senim bildirýde. Qazaqstannyń álem aldynda osyndaı abyroıly mártebege jetýi Elbasymyzdyń eren eńbegi men salıqaly saıasatynyń jemisi dep tolyǵymen aıta alamyz. Barsha adamzat balasynyń tynyshtyqta ǵumyr keshýine úlgi bolarlyq úlken bastama jasap, Semeı atom ıadrolyq polıgonyn jabý úshin jasaǵan teńdessiz eńbegin álem jurtshylyǵy joǵary baǵalady.
Tek qazaq eliniń ǵana emes, barlyq ǵalamdy tolǵandyrǵan ózekti máselelerdi sheshýge belsendi atsalysyp, utymdy oı tastaı biletin Elbasymyzǵa, búkil el «Bolashaqtyń energııasy» taqyrybynda ótetin halyqaralyq kórmede qýat tapshylyǵynan shyǵýdyń birden-bir jolyn usynatynyna esh kúmánsiz senimmen qaraýda. Bul belesti de baǵyndyratynymyzǵa kámil senemin. Endigi tilek bir jaǵadan bas, bir jeńnen qol shyǵara otyryp, elimizde ótkeli jatqan tarıhı mańyzy men keler urpaqqa bereri mol bul kórmeni oıdaǵydaı ótkizýge barlyǵymyz atsalysýymyz qajet dep esepteımin.
Aqbulan SALBEKULY.
Aqmola oblysy,
Qorǵaljyn aýdany.
